ବାହା ହେଲେ ନୋବେଲ ପୁରସ୍କାର ବିଜେତା ମଲାଲା ୟୁସୁଫଜାଇ

ନୂଆଦିଲ୍ଲୀ: ବିବାହ ବନ୍ଧନରେ ବାନ୍ଧି ହେଲେ ନୋବେଲ ଶାନ୍ତି ପୁରସ୍କାର ବିଜେତା ମଲାଲ ୟୁସୁଫଜାଇ । ୨୪ ବର୍ଷ ବୟସରେ ବିବାହ ବନ୍ଧନରେ ବାନ୍ଧି ହୋଇଛନ୍ତି ମଲାଲା । ବିବାହ ନେଇ ମଲାଲା ନିଜେ ଟୁଇଟ କରି ସୂଚନା ଦେଇଛନ୍ତି । ସେ ଟୁଇଟ କରି କହିଛନ୍ତି କି ଆଜି ମୋ ଜୀବନରେ ଏକ ଗୁରୁତ୍ବପୂର୍ଣ୍ଣ ଦିନ । ଜୀବନରେ ପାର୍ଟନର ଭାବେ ରହିବା ପାଇଁ ଅସର ଓ ମୁଁ ଏକାଠି ହୋଇଛୁ। ଆମେ ବର୍ହିଂହାମ ଘରେ ଓ ପରିବାର ଲୋକଙ୍କ ଉପସ୍ଥିତରେ ନିକ୍କା କରିଛୁ। ଆପଣମାନେ ଆମ ପାଇଁ ପ୍ରାର୍ଥନା କରନ୍ତୁ। ଆମେ ଆପଣମାନଙ୍କ ସହ ଏକାଠି ଆଗକୁ ବଢ଼ିବାକୁ ବେଶ ଉତ୍ସାହିତ ରହିଛୁ।”

Today marks a precious day in my life.
Asser and I tied the knot to be partners for life. We celebrated a small nikkah ceremony at home in Birmingham with our families. Please send us your prayers. We are excited to walk together for the journey ahead.
?: @malinfezehai pic.twitter.com/SNRgm3ufWP

— Malala Yousafzai (@Malala) November 9, 2021

ମହିଳାଙ୍କ ଶିକ୍ଷାଧିକାର ପାଇଁ ଲଢ଼େଇ କରି ଆତଙ୍କବାଦୀଙ୍କ ଗୁଳି ମାଡର ଶିକାର ହୋଇଥିଲେ ମଲାଲା । ଆତଙ୍କବାଦୀଙ୍କୁ ନଡରି ସେ ମହିଳାଙ୍କ ଶିକ୍ଷା ଅଧିକାର ଉପରେ କାମ କରିଥିବାରୁ ତାଙ୍କୁ ନୋବେଲ ପୁରସ୍କାର ଦିଆଯାଇଥିଲା । ମଲାଲା ୟୁସୁଫଜଇ ପାକିସ୍ତାନରେ ଜନ୍ମ ଗ୍ରହଣ କରିଥିଲେ । ସେ ସେଠରେ ଥିବା ମହିଳା ଶିକ୍ଷା ଉପରେ କାମ କରୁଥିଲେ । କିନ୍ତୁ ମହିଳାଙ୍କ ପାଇଁ କାମ କରିବାରୁ ସେ ଆତଙ୍କବାଦୀଙ୍କ ଆକ୍ରୋଶର ଶିକାର ହୋଇଥିଲେ । ୨୦୧୨ରେ ପାକିସ୍ତାନରେ ତାଲିବାନ ଆତଙ୍କବାଦୀମାନେ ଗୁଳି କରିଥିଲେ । ଗୁଳି ତାଙ୍କ ମୁଣ୍ଡରେ ବାଜିଥିଲ । ତେବେ ଏହି ସମୟରେ ତାଙ୍କୁ ମାତ୍ର ୧୧ ବର୍ଷ ହୋଇଥିଲେ । ଏହି ଘଟଣା ପରେ ମଲାଲାଙ୍କୁ ନୋବେଲ ପୁରସ୍କାର ମିଳିଥିଲା । ଇତିହାସରେ ସବୁଠାରୁ କମ୍ ବୟସରେ ନୋବେଲ ପୁରସ୍କାର ପାଇଥିଲେ ।

୨୦୧୨ ମସିହାରେ ମଲାଲାଙ୍କ ଉପରେ ଆକ୍ରମଣ ପରେ ପୁଣି ଚଳିତ ବର୍ଷ ତାଙ୍କୁ ମିଳିଥିଲା ହତ୍ୟା ଧମକ । ପୁଣିଥରେ ତାଲିବାନ ଆତଙ୍କାବାଦ ସଂଗଠନ ମଲାଲାଙ୍କୁ ଜୀବନରୁ ମାରିଦେବାକୁ ଧମକ ଦେଇଥିଲେ । ତେବେ ଏହି ଧମକ ସେହି ଆତଙ୍କବାଦୀ ଦେଇଥିଲେ ଯିଏ ୯ ବର୍ଷ ପୂର୍ବେ ମଲାଲାଙ୍କୁ ଗୁଳି ମାରିଥିଲେ । ସେହି ଆତଙ୍କୀ ଟୁଇଟ କରି କହିଥିଲା ଯେ ଏହି ଥର ଆଉ ଭୁଲ ହେବ ନାହିଁ । ତେବେ ଏହି ଟୁଇଟ ପରେ ତାଙ୍କ ଟୁଇଟର ଆକାଉଣ୍ଟକୁ ବ୍ଲକ କରିଦିଆଯାଇଥିଲା ।