ବିଶାଦଗ୍ରସ୍ତ ପାକିସ୍ତାନ ସେନା: କାଉନସିଲିଂ ପାଇଁ ନିର୍ଦ୍ଦେଶ ଦେଲେ ସେନା ମୁଖ୍ୟ
ନୂଆଦିଲ୍ଲୀ: ବିଶଦଗ୍ରସ୍ତ ପାକିସ୍ତାନ ସୈନିକ । ପାକିସ୍ତାନ ଆର୍ମି ଚିଫ୍ ସୈନିକଙ୍କ କାଉନସିଲିଂ ନେଇ ନିର୍ଦ୍ଦେଶ ଦେଇଛନ୍ତି । ଗୁଇନ୍ଦା ସଂସ୍ଥାର ସୂତ୍ର ମୁତାବକ ପାକିସ୍ତାନ ଆର୍ମିରେ ମାନସିକ ଅଶାନ୍ତି ଏବଂ ହତାସା ଦେଖିବାକୁ ମିଳିଛି । ପାକିସ୍ତାନ ଏବଂ ଭାରତ ମଧ୍ୟରେ ବର୍ତ୍ତମାନ ଲାଇନ୍ ଅଫ୍ କଣ୍ଟ୍ରୋନରେ ଶାନ୍ତି ଜାରି ରହିଛି କିନ୍ତୁ ଆଫଗାନିସ୍ତାନ ପଟୁ ପାକିସ୍ତାନକୁ ବଡ଼ ସମସ୍ୟାର ସମ୍ମୁଖୀନ ହେବାକୁ ପଡ଼ୁଛି ।
ପାକିସ୍ତାନ ଏବଂ ଆଫଗାନିସ୍ତାନ ମଧ୍ୟରେ ୨୬୪୦ କିଲୋମିଟରର ସୀମା ରହିଛି । ଆଫଗାନିସ୍ତାନରେ ତାଲିବାନ ଅକ୍ତିଆର ପୂର୍ବରୁ ପାକିସ୍ତାନ ସେନା ବର୍ଡର ଉପରେ ଆକ୍ରମଣର ସମ୍ମୁଖୀନ ହେଉଛନ୍ତି । ଲଗାତାର କାମ ଏବଂ ଛୁଟି ନ ମିଳିବାରୁ ପାକିସ୍ତାନ ସେମାନ ମଧ୍ୟରେ ଅଶାନ୍ତି ବଢ଼ିଚାଲିଛି । ଗୁଇନ୍ଦା ସୂତ୍ର ମୁତାବକ ପାକିସ୍ତାନ ସେନାର ଅଧିକାଂଶ ସୈନିକ ବର୍ତ୍ତମାନ ମାନସିକ ଅଶାନ୍ତି ଦେଇ ଗତି କରୁଛନ୍ତି ।
ବର୍ତ୍ତମାନ ପାକିସ୍ତାନ ସେନା ପ୍ରମୁଖ ଜନରଲ ବାଜଓ୍ୱା ସମସ୍ତ କମାଣ୍ଡର୍ସଙ୍କୁ ନିର୍ଦ୍ଦେଶ ଦେଇଛନ୍ତି ଯେ, ସମସ୍ତ ସୈନିକଙ୍କ ସହ ଔପଚାରିକ ଓ ଅନଔପଚାରିକ ଭାବେ ଆଲୋଚନା କରନ୍ତୁ । । ଏଥିସହିତ ସେମାନଙ୍କ କାଉନସିଲିଂ ମଧ୍ୟ କରାଯାଉ ।
