ଭୁବନେଶ୍ୱର ମା’ ଝିଅକୁ ଛୁରୀ ମାଡ଼ ଘଟଣା: ଗିରଫ ହେଲା ରୂପେଶ

ଭୁବନେଶ୍ୱର: ଶୈଳଶ୍ରୀ ବିହାର ଘର ଭିତରେ ପଶି ମା ଝିଅ କୁ ଛୁରା ମାଡ଼ ଘଟଣାରେ ମୁଖ୍ୟ ଅଭିଯୁକ୍ତ ରୂପେଶ ସମେତ ଦୁଇ ଗିରଫ । ଆଉ କିଛି ଜଣଙ୍କୁ ଅଟକ ରଖିଲା ପୋଲିସ । ରୂପେଶକୁ ସହଯୋଗ କରୁଥିବା ଅଭିଯୋଗରେ ଅନ୍ୟ ୨ ଜଣଙ୍କୁ ପୋଲିସ ଗିରଫ କରିଥିବା ସୂଚନା ମିଳିଛି । ଗିରଫ ଅଭିଯୁକ୍ତ କୁ କୋର୍ଟ ଚାଲାଣ କରିବ ପୋଲିସ।

ଆହତ ମହିଳାଙ୍କ ପରିବାର ପକ୍ଷରୁ ଥାନାରେ ଏତଲା ଦେବା ପରେ ପୋଲିସ ତଦନ୍ତକୁ ଜୋରଦାର କରିଥିଲା । ଗତକାଲି ଅଭିଯୁକ୍ତ ରୂପେଶ ପଣ୍ଡା ହସ୍ପିଟାଲରୁ ଡିସଚାର୍ଜ ହେବାପରେ ଚନ୍ଦ୍ରଶେଖପୁର ଥାନା ପୋଲିସ ତାଙ୍କୁ ଅଟକ ରଖି ପଚରାଉଚରା କରିଥିଲେ। ତେବେ ରୂପେଶ କାହିଁକି ମା ଝିଅକୁ  ଛୁରା ମାଡ଼ କଲେ ସେ ନେଇ  ପୋଲିସ ସାମ୍ବାଦିକ ସମ୍ମିଳନୀରେ ସ୍ପଷ୍ଟ କରିବ।

ସୂଚନାଯୋଗ୍ୟ, ଗତ ଗତ ୧ ତାରିଖରେ ରୂପେଶ ମହିଳା ବେଶରେ ଆହତ ଯୁବତୀଙ୍କ ଘରେ ପଶିଥିଲେ । ଏହାପରେ ଏକ ଛୁରୀରେ ଉଭୟ ଯୁବତୀ ଓ ତାଙ୍କ ମାଆଙ୍କୁ ଆକ୍ରମଣ କରିଥିଲେ । ଧସ୍ତାଧସ୍ତିରେ ସେ ନିଜେ ମଧ୍ୟ ଆହତ ହୋଇଥିଲେ।