ନିମାପଡ଼ା: ଭିଜିଲାନ୍ସ ଜାଲରେ ପୁରୀ ଜିଲ୍ଲା ନିମାପଡ଼ା ତହସିଲଦାର ତଥା ଇନ୍ଚାର୍ଜ ସବ୍ ରେଜିଷ୍ଟର ରାମଚନ୍ଦ୍ର ଜେନା। ରାମଚନ୍ଦ୍ର ଜେନାଙ୍କ ଘର ସମେତ ୪ଟି ସ୍ଥାନରେ ଚାଲିଛି ଚଢ଼ାଉ। ଦିର୍ଘ ସମୟ ଧରି ଏହି ରେଡ୍ ଚାଲିଛି। ଅଭିଯୋଗ ପରେ ସକାଳୁ ସକାଳୁ ଆରମ୍ଭ ହୋଇଥିଲା ରେଡ୍। ରାମଚନ୍ଦ୍ର ଜେନାଙ୍କ ନିମାପଡ଼ା ସ୍ଥିତ ସରକାରୀ ବାସଭବନ, କଟକ ସିଡିଏ ୧୧ ସ୍ଥିତ ଘର ଏବଂ ପୈତୃକ ଘର କେନ୍ଦ୍ରାପଡା ଜିଲ୍ଲା ଗରଦପୁର ବ୍ଲକ୍ ଧାନମଣ୍ଡଳରେ ଏକକାଳୀନ ରେଡ୍ ଚାଲିଛି। ଅଫିସରୁ ୪ ଲକ୍ଷ ୬୫ହଜାର ଓ ସରକାରୀ କ୍ୱାର୍ଟରରୁ ୫୦ହଜାର ଟଙ୍କା ଜବତ କରାଯାଇଛି। ଜଣେ ଅତିରିକ୍ତ ଏସପି, ୭ଜଣ ଡିଏସପି ଓ ଅନ୍ୟ କର୍ମଚାରୀ ଚଢାଉରେ ସାମିଲ ହୋଇଛନ୍ତି। ଭିନ୍ନ ଭିନ୍ନ ନମ୍ବରର ୫ଟି ପ୍ୟାନ୍ କାର୍ଡ ଜବତ ହୋଇଥିବା ବେଳେ ଇନକମ ଟାକ୍ସ ଅଫିସର ତଦନ୍ତ ପାଇଁ ପହଞ୍ଚିଛନ୍ତି।
