ନୌସେନାରେ ସାମିଲ ହେଲା ପ୍ରଥମ P15B ଷ୍ଟେଲଥ ଗାଇଡେଡ୍ ମିସାଇଲ ଡେଷ୍ଟ୍ରୟର
1 min read
ମୁମ୍ବାଇ: ଶକ୍ତିଶାଳୀ ହେଲା ଭାରତୀୟ ନୌସେନା । ନୌସେନାରେ ସାମିଲ ହୋଇଛି ପ୍ରଥମ P15B ଷ୍ଟେଲଥ ଗାଇଡେଡ୍ ମିସାଇଲ ଡେଷ୍ଟ୍ରୟର । ବିଶାଖପାଟଣମ ନାମରେ ନାମିତ ଏହି ଜାହାଜ ହାସଲ କରିବା ଯୋଗୁଁ ନୌସେନାର ଶକ୍ତି ବୃଦ୍ଧି ହୋଇଛି । ମାଜଗାଓଁ ଜାହାଜ କାରଖାନାରେ ଏହି ଜାହାଜ ନିର୍ମିତ ହୋଇଛି । ଦେଶରେ ଚାଲିଥିବା ସ୍ୱଦେଶୀ ଯୁଦ୍ଧ ଜାହାଜ ନିର୍ମାଣ ପ୍ରକ୍ରିୟାରେ ଆଉ ଏକ ସଫଳତା ଯୋଡ଼ି ହୋଇଛି । ଏହି ଜାହାଜର ଡେକରୁ ବିମାନ ବିଧ୍ୱଂସୀ କ୍ଷେପଣାସ୍ତ୍ର ନିକ୍ଷେପ କରାଯାଇପାରିବ ।
ଏହି ଯୁଦ୍ଧ ଜାହାଜ ହାସଲ ହେବା ପରେ ଭାରତୀୟ ନୌସେନା କୌଣସି ପରିସ୍ଥିତିରେ ବି ଶତ୍ରୁ ପକ୍ଷର ମୁକାବିଲା କରିପାରିବ । ଏହି ଯୁଦ୍ଧଜାହାଜ ଲାଗି ୩୫ ହଜାର ୮୦୦ କୋଟି ଟଙ୍କା ଖର୍ଚ୍ଚ ହୋଇଥିବା ବେଳେ ଏହାର ପେଲୋଡ୍ କ୍ଷମତା ୭ ହଜାର ଟନ୍ ରହିଛି । ଏହାର ଲମ୍ବ ରହିଛି ୧୬୩ ମିଟର । ଏହା ଘଣ୍ଟା ପ୍ରତି ୫୬ କିଲୋମିଟର ବେଗରେ ଗତି କରିପାରିବ ।
Yet another testament of impetus given by Govt of India & the Navy towards #indigenous warship constn programmes.#Visakhapatnam – #first of the indigenous P15B stealth Guided Missile destroyers being built at #MazagonDock, #Mumbai delivered to #IndianNavy on 28 Oct 21.
(1/2). pic.twitter.com/sECvXvhl4R— SpokespersonNavy (@indiannavy) October 30, 2021
ଏଥିରେ ୫୦ ଅଫିସର ଓ ୨୫୦ ଯାତ୍ରୀ ବା ସୈନିକ ବସିବାର କ୍ଷମତା ରହିଛି । ଅତ୍ୟାଧୁନିକ ସେନସର ଓ ପ୍ରୋସେସିଂ ସିଷ୍ଟମ ଏଥିରେ ରହିଥିବା ବେଳେ ଇଲେକ୍ଟ୍ରୋନିକ୍ସ ୱାରଫେରର ବ୍ୟବସ୍ଥା ରହିଛି । ଏଥିରେ ୨ଟି କାଭାଚ ଆଣ୍ଟି ମିସାଇଲ୍ ଡିକୟ ସିଷ୍ଟମ ରହିଛି ଯାହାକି ପ୍ରତିରକ୍ଷା କ୍ଷମତାକୁ ଅଧିକ ଶକ୍ତିଶାଳୀ କରିବ । ଏହାସହ ଟର୍ପେଡୋର ମୁକାବିଲା ଲାଗି ଏଥିରେ ଏନଏସଟିଏଲ ମାରିଚ ଟର୍ପେଡୋ କାଉଣ୍ଟର ମେଜର ବ୍ୟବସ୍ଥା ବି ରହିଛି ।
