ପାଗଳ ହୋଇଯାଇଛି ପିଟିଭି: ସୋଏବ ଆଖତର

ନୂଆଦିଲ୍ଲୀ: ଚର୍ଚ୍ଚାରେ ସୋଏବ ଅଖତାର । ପାକିସ୍ତାନର ପୂର୍ବତନ ଦ୍ରୁତ ବୋଲର ସୋଏବ ଅଖତାର ବର୍ତ୍ତମାନ ଚର୍ଚ୍ଚାରେ ଅଛନ୍ତି । ନ୍ୟୁଜିଲାଣ୍ଡ ବିପକ୍ଷରେ ପାକିସ୍ତାନର ବିଜୟ ପରେ ପିଟିଭିର ସ୍ପୋର୍ଟ୍ସ ଆଙ୍କର ନାଉମାନ ନିଆଜଙ୍କ ତାଙ୍କର ବିବାଦ ହୋଇଥିଲା ।  ଏହାପରେ ଅଖତାର ନିଜେ ଲାଇଭ ସୋ’ରେ ଇସ୍ତଫା ଘୋଷଣା କରିଥିଲେ । ତେବେ ଏହି ଘଟଣାରେ ଆଜି ଅଖତାର ଓ ଆଙ୍କର ନାଉମାନଙ୍କୁ ଅଫ ଏୟାର କରିଛି । ଉଭୟଙ୍କ ମଧ୍ୟରେ ବିବାଦର ତଦନ୍ତ ଶେଷ ନହେବା ପର୍ଯ୍ୟନ୍ତ ଉଭୟ ନାଉମାନ ଓ ସୋଏବ ଅଖତାରଙ୍କୁ ଅଫ ଏୟାର କରିଛି । ଉଭୟଙ୍କୁ PTV ଦ୍ବାରା ପ୍ରସାରିତ କୌଣସି  କାର୍ଯ୍ୟକ୍ରମରେ ଅଂଶ ଗ୍ରହଣ କରିବାକୁ ଅନୁମତି ଦିଆଯିବ ନାହିଁ ।

Well thats hilarious.
I resigned in front of 220 million Pakistanis & billions across the world.
Is PTV crazy or what? Who are they to off air me? https://t.co/514Mk0c64e

— Shoaib Akhtar (@shoaib100mph) October 28, 2021

ତେବେ ଏହାର ଜବାବରେ ସୋଏବ ଅଖତାର ଟୁଇଟ କରି କହିଛନ୍ତି କି ଏହା ଏକ ମଜ୍ଜା କଥା । ମୁଁ  ୨୨୦ ମିଲିୟନ ପାକିସ୍ତାନୀ ଏବଂ ବିଶ୍ବର କୋଟି କୋଟି ଲୋକଙ୍କ ସାମ୍ନାରେ ଇସ୍ତଫା ଦେଇଛି । PTV ପାଗଳ କି? ସେମାନେ କିଏ ମୋତେ ଅଫ ଏୟାର କରିବାକୁ? PTVର ନିଷ୍ପତି ପରେ ଏମିତି କିଛି କହିଛନ୍ତି ସୋଏବ ଅଖତାର ।