ଟିକାକରଣରେ ସୃଷ୍ଟି ହେଲା ନୂଆ କୀର୍ତ୍ତିମାନ, କରୋନା ଟିକାକରଣ ଟପିଲା ଶହେ କୋଟି

ନୂଆଦିଲ୍ଲୀ: କରୋନା ପାଇଁ ହନ୍ତସନ୍ତ ହେଉଛି ପୁରା ଭାରତ। ସବୁକିଛିକୁ ଦେଶରେ ପ୍ରଭାବିତ କରିଛି କିଲର କରୋନା। ତେବେ ଏହି କରୋନାରୁ ବଞ୍ଚିବା ପାଇଁ ଏକମାତ୍ର ସଞ୍ଜିବନୀ ହେଉଛି କରୋନା ଟିକା। ତେବେ ଦେଶରେ ଟିକାକରଣରେ ରେକର୍ଡ଼ ହୋଇଛି। ଟିକାକରଣରେ ସୃଷ୍ଟି ହୋଇଛି ନୂଆ କୀର୍ତ୍ତିମାନ। ଦେଶରେ ଶହେ କୋଟି ଟପିଛି କରୋନା ଭ୍ୟାକ୍ସିନେସନ। ଦେଶରେ ଶହେ କୋଟି ଡୋଜ୍ ଟପିଛି କରୋନା ଟିକାକରଣ। ଏନେଇ ସ୍ୱାସ୍ଥ୍ୟ ମନ୍ତ୍ରଣାଳୟ ପକ୍ଷରୁ ସୂଚନା ଦିଆଯାଇଛି। ତେବେ ଏଭଳି ବଡ଼ ସଫଳତା ପାଇଁ ଶୁଭେଚ୍ଛା ଜଣାଇଛନ୍ତି ପ୍ରଧାନମନ୍ତ୍ରୀ। ସେପଟେ ଏଭଳି ବଡ଼ ସଫଳତା ପାଇଁ ଆଜି ସମ୍ମୁଖ ଯୋଦ୍ଧାଙ୍କୁ ସମ୍ବର୍ଦ୍ଧିତ କରିବେ ପ୍ରଧାନମନ୍ତ୍ରୀ।

ସେପ୍ଟେମ୍ବରରେ ସର୍ବାଧିକ ଟିକାକରଣ ହୋଇଛି। ଦିନକରେ ପ୍ରାୟ ୮୦ ଲକ୍ଷ ଡୋଜ୍ ଦିଆଯାଇଥିଲା। ଟିକାକରଣରେ ଦେଶର ଟପ୍ ୫ରାଜ୍ୟରେ ଅଛନ୍ତି ଉତ୍ତରପ୍ରଦେଶ, ମହାରାଷ୍ଟ୍ର, ପଶ୍ଚିମବଙ୍ଗ, ଗୁଜରାଟ ଓ ମଧ୍ୟପ୍ରଦେଶ। ଜାନୁଆରୀ ୧୬ରେ ଦେଶରେ ଟିକାକରଣ ଆରମ୍ଭ ହୋଇଥିଲା। ସେତେବେଳେ ପ୍ରଥମେ ପ୍ରଣ୍ଟଲାଇନ ୱାରିୟରଙ୍କୁ ଦିଆଯାଇଥିଲା ଟିକା। ଏହାପରେ ମାର୍ଚ୍ଚ ୧ରୁ ଦ୍ୱିତୀୟ ପର୍ଯ୍ୟାୟ ଭ୍ୟାକ୍ସିନେସନ ଆରମ୍ଭ ହୋଇଥିଲା। ୬୦ ବର୍ଷରୁ ଉର୍ଦ୍ଧ୍ୱ ଓ ୪୫ ବର୍ଷରୁ ଅଧିକ ଗୁରୁତରଙ୍କୁ ଦିଆଯାଇଥିଲା ଟିକା। ୧ ଏପ୍ରିଲରୁ ୪୫ ବର୍ଷରୁ ଅଧିକ ଲୋକଙ୍କୁ ଦିଆଗଲା ଟିକା। ମେ ୧ରୁ ୧୮ରୁ ଅଧିକ ସମସ୍ତଙ୍କୁ ଦିଆଯାଇଛି ଟିକା। ୬୩ହଜାର ୪୬୭ ଟିକା ସେଣ୍ଟରରେ ଲଗାତର ଭାବେ ଚାଲିଛି ଟିକାକରଣ। ୬୧ହଜାର ୨୭୦ ସରକାରୀ ଓ ୨ହଜାର ୧୯୭ ଘରୋଇ ସେସନ ସାଇଟରେ ଟିକାକରଣ କାର୍ଯ୍ୟକ୍ରମ ଚାଲିଛି।