ଏଲ୍ଏସିରେ ସକ୍ରିୟ ଚୀନ ସେନା: ଆଲୋଚନା ସତ୍ତ୍ୱେ ଗ୍ରାମ ପ୍ରତିଷ୍ଠା କରୁଛି ଚୀନ
1 min read
ନୂଆଦିଲ୍ଲୀ: ପ୍ରକୃତ ନିୟନ୍ତ୍ରଣ ରେଖାରେ ବେଶ୍ ସକ୍ରିୟ ଚୀନର ପିପୁଲସ ଲିବରେସନ ଆର୍ମି । ବିଭିନ୍ନ ସ୍ଥାନରେ ବାର୍ଷିକ ପ୍ରଶିକ୍ଷଣ କାର୍ଯ୍ୟକ୍ରମ ଚାଲିଥିବା ସହ ବିଭିନ୍ନ ତଳିଆ ସ୍ଥାନରେ ସୈନ୍ୟ ମୁତୟନ କରିଛି ବୋଲି କହିଛନ୍ତି ପୂର୍ବାଞ୍ଚଳ ସେନା କମାଣ୍ଡର ଲେଫଟନାଣ୍ଟ ଜେନରାଲ ମନୋଜ ପାଣ୍ଡେ । ସେ କହିଛନ୍ତି ବିଭିନ୍ନ ଆଲୋଚନା ସତ୍ତ୍ୱେ ଚୀନ ବିବାଦୀୟ ଏଲଏସି ଅଞ୍ଚଳରେ ଗ୍ରାମ ପ୍ରତିଷ୍ଠା କରୁଛି ଏବଂ ସେଥିପ୍ରତି ବେଶ୍ ସଜାଗ ରହିଛି ଭାରତ ।
ଉଭୟ ସାମରିକ ଓ ବେସାମରିକ ସ୍ତରରେ ଭାରତ ସଜାଗ ରହିଛି ବୋଲି ସେ କହିଛନ୍ତି । ଆରୁଣାଚଳ ପ୍ରଦେଶର ରୁପାଠାରେ ପାଣ୍ଡେ କହିଛନ୍ତି ଏଲଏସିରେ ଚୀନ ନିଜର ସାମରିକ କାର୍ଯ୍ୟକଳାପ ବଢାଇବାରେ ଲାଗିଛି ଏବଂ ସ୍ଥାନୀୟ କମାଣ୍ଡର ସ୍ତରରେ ଏହାର ସମାଧାନ କରାଯାଉଛି । ସୀମାନ୍ତରେ ସୃଷ୍ଟି ହେଉଥିବା ଉତ୍ତେଜନା ପ୍ରଶମନ ଲାଗି ଭାରତ ବିଭିନ୍ନ ଗୁରୁତ୍ୱପୂର୍ଣ୍ଣ ପଦକ୍ଷେପ ନେଉଛି ଏବଂ ତିନିଟି ହଟଲାଇନ ପ୍ରତିଷ୍ଠା ହୋଇଛି ବୋଲି କହିଛନ୍ତି । ଏଲଏସିରେ ଦୁଇ ପକ୍ଷ ଭିତ୍ତିଭୂମି ପ୍ରତିଷ୍ଠା କରୁଥିବା ବିଷୟ ସେ କହିଛନ୍ତି ।
