ଓଡ଼ିଶାର ୧୫ ଲକ୍ଷ ପିଲାଙ୍କ ପାଖରେ ନାହିଁ ମୋବାଇଲ୍
1 min read
ଭୁବନେଶ୍ୱର: କୋଭିଡ୍ ପାଇଁ ଅନଲାଇନ୍ କ୍ଲାସକୁ ଦିଆଯାଉଛି ପ୍ରୋତ୍ସାହନ । ହେଲେ ଓଡ଼ିଶାର ୧୫ ଲକ୍ଷ ପିଲାଙ୍କ ପାଖରେ ନାହିଁ ମୋବାଇଲ୍ । ୧୫ଲକ୍ଷ ୮ହଜାର ୯୩୭ପିଲାଙ୍କ ପାଖରେ ଡିଜିଟାଲ ଡିଭାଇସ୍ ନଥିବା ଜଣାପଡ଼ିଛି । କୋଭିଡ୍ ସମୟରେ ପାଠପଢ଼ା ନେଇ କେନ୍ଦ୍ରକୁ ଏ ରିପୋର୍ଟ ଦେଇଛନ୍ତି ରାଜ୍ୟ ସରକାର ।
ଦେଶରେ ଝାଡ଼ଖଣ୍ଡରେ ସର୍ବାଧିକ ୩୨ ଲକ୍ଷ ପିଲାଙ୍କ ପାଖରେ ମୋବାଇଲ ନଥିବା ବେଳେ କର୍ଣ୍ଣାଟକରେ ୩୧ ଲକ୍ଷ ପିଲାଙ୍କ ପାଖରେ ମୋବାଇଲ୍ ନାହିଁ । ମଧ୍ୟପ୍ରଦେଶ ଓ ଜାମ୍ମୁ-କଶ୍ମୀରରେ ୭୦% ପିଲାଙ୍କ ପାଖରେ ମୋବାଇଲ ନଥିବା ବେଳେ, ତାମିଲନାଡୁର ୧୭ହଜାରରୁ ଅଧିକ ପିଲାଙ୍କ ପାଖରେ ନାହିଁ ମୋବାଇଲ ।
ଏଥିସହ ପଢ଼ନ୍ତୁ: କରୋନାର ବିନାଶକାରୀ ପରିଣାମ, ଗ୍ରାମାଞ୍ଚଳରେ ୩୭ ପ୍ରତିଶତ ଛାତ୍ରଛାତ୍ରୀ ପଢ଼ାରୁ ବଞ୍ଚିତ
ଜୁନ୍ ୩୦ ସୁଦ୍ଧା ବିଭିନ୍ନ ରାଜ୍ୟ ସରକାର କେନ୍ଦ୍ରକୁ ଏ ରିପୋର୍ଟ ଦେଇଛନ୍ତି । ସେଥିମଧ୍ୟରୁ ଆଣ୍ଡାମାନ ନିକୋବର, ଅରୁଣାଚଳ ପ୍ରଦେଶ, ଗୋଆ, ମହାରାଷ୍ଟ୍ର, ମଣିପୁର, ଉତ୍ତରପ୍ରଦେଶ ତଥ୍ୟ ଦେଇନଥିବା ବେଳେ ପଶ୍ଚିମବଙ୍ଗରେ ସର୍ଭେ ଜାରି ରହିଛି ।
