ଖୋର୍ଦ୍ଧା: ଖୋର୍ଦ୍ଧା ଜିଲ୍ଲା ବାଣପୁର ଶାଳିଆ ନଦୀରେ ଭାସିଯାଇ ବୃଦ୍ଧ ନିଖୋଜ ଘଟଣା। ୨୪ଘଣ୍ଟା ପରେ ବି ମିଳିନି ବୃଦ୍ଧଙ୍କ ପତ୍ତା। ଗତକାଲି ସକାଳେ ଶୌଚ ହେବାକୁ ଯାଇଥିବାବେଳେ ଶାଳିଆ ନଦୀର ଜାମୁଆ ତୁଠରେ ମାଣିକପୁର ଗାଁର ଚରଣ ବେହେରା ଭାସିଯାଇଥିଲେ। ସ୍ଥାନୀୟଲୋକ ଖବର ଦେବା ପରେ ସର୍ଚ୍ଚ ଅପରେସନ୍ ଚଳାଇଛି ଅଗ୍ନିଶମ ବାହିନୀ। ଅଗ୍ନିଶମ ବାହନୀ ସହିତ ପୋଲିସ ଓ ଗ୍ରାମବାସୀଙ୍କ ମିଳିତ ଉଦ୍ୟମରେ ଖୋଜାଖୋଜି କାର୍ଯ୍ୟ ଚାଲିଥିଲେ ମଧ୍ୟ ଏଯାଏ ବୃଦ୍ଧଙ୍କର ପତ୍ତା ମିଳିପାରିନାହିଁ। ବିଭିନ୍ନ ସ୍ଥାନରେ ଉଦ୍ଧାରକାରୀ ଦଳ ପକ୍ଷରୁ ବୃଦ୍ଧଙ୍କୁ ଠାବ କରିବା ପାଇଁ ସର୍ଚ୍ଚ ଅପରେସନ୍ ଜାରି ରହିଛି।
