ଭୁବନେଶ୍ୱର: ଧଳା ଜହର ହେଉକି ନୀଳ ଜହର। ଏବେ ବେପାରୀ ମାନଙ୍କ ହବ୍ ପାଲଟିଛି ରାଜଧାନୀ ଭୁବନେଶ୍ୱର। ପୁଳା ପୁଳା ପରିମାଣରେ ଗଞ୍ଜେଇ ଏବଂ ବ୍ରାଉନସୁଗାର ଜବତ ହେବାରେ ଲାଗିଛି। ଦୋଷୀଙ୍କୁ ମଧ୍ୟ ଅବକାରୀ ବିଭାଗ ଗିରଫ କରୁଛି। କିନ୍ତୁ ତିଳେମାତ୍ରବି ସୁଧୁରୁ ନାହାଁନ୍ତି ନିଶା ବେପାରୀ।
ତେବେ ରାଜଧାନୀ ଭୁବନେଶ୍ୱରରୁ ପୁଣି ବିପୁଳ ପରିମାଣର ଗଞ୍ଜେଇ ଜବତ ହୋଇଛି। ବରମୁଣ୍ଡା ବସଷ୍ଟାଣ୍ଡରେ ଅବକାରୀ ବିଭାଗ ଚଢାଉ କରି ଗଞ୍ଜେଇ ଜବତ କରିଛି। ୫୫କେଜି ଗଞ୍ଜେଇ ଜବତ କରିଛି ଅବକାରୀ ବିଭାଗ। ଗଞ୍ଜେଇ ବେପାର ଅଭିଯୋଗରେ ଜଣଙ୍କୁ ଗିରଫ କରାଯାଇଛି। ଗିରଫ ଗଞ୍ଜେଇ ବେପାରୀ କନ୍ଧମାଳର ମାଧବ ଦିଗାଲ।
