ଚାନ୍ଦିପୁର ଡିଆରଡିଓ ତଥ୍ୟ ଲିକ୍ ଘଟଣା: ରିମାଣ୍ଡ ଆବେଦନର ହେବ ଶୁଣାଣି

ବାଲେଶ୍ୱର: ଚାନ୍ଦିପୁର DRDO ତଥ୍ୟ ଲିକ୍‌ ଘଟଣା । ଗିରଫ ୫ ଅଭିଯୁକ୍ତଙ୍କ ରିମାଣ୍ଡ ଆବେଦନର ଆଜି ଶୁଣାଣି । ଅଭିଯୁକ୍ତ ମାନଙ୍କୁ ୭ ଦିନିଆ ରିମାଣ୍ଡରେ ନେବାକୁ ଆବେଦନ କରିଥିଲା କ୍ରାଇମବ୍ରାଞ୍ଚ । ବାଲେଶ୍ୱର ଏସଡିଜେଏମ କୋର୍ଟରେ ରିମାଣ୍ଡ ଆବେଦନ କରାଯାଇଥିବା ବେଳେ, ନିଜ ଆଡୁ ମାମାଲା ହାତକୁ ନେଇଛନ୍ତି ସିଜେଏମ କୋର୍ଟ । ମାମଲାରେ ଡିଆରଡିଓର ଠିକା କର୍ମଚାରୀ ବସନ୍ତ ବେହେରା, ସେକ୍‌ ମୁସାଫିର, ତାପସ ବେହେରା, ହେମନ୍ତ ମିସ୍ତ୍ରୀ ଓ ଗିରଫ ଆଟିଆରର ନିୟମିତ ଡ଼୍ରାଇଭର ସଚ୍ଚିନ କୁମାର ଛେତାକୁ ଗିରଫ କରିଥିଲା ପୋଲିସ । ମାମଲା କ୍ରାଇମ୍‌ବ୍ରାଞ୍ଚ ହାତକୁ ଗଲା ପରେ ଅତିରିକ୍ତ ଏସ୍‌ପି ପ୍ରଶାନ୍ତ ବିଶୋଇଙ୍କ ନେତୃତ୍ୱରେ ୪ ଜଣିଆ ଟିମ୍‌ ବାଲେଶ୍ୱର ତନାଘନା କରୁଛନ୍ତି । ଜବତ ହୋଇଥିବା ସାମଗ୍ରି, ପ୍ରସ୍ତୁତ କରାଯାଇଥିବା ନଥିପତ୍ର, ଗିରଫ ଅଭିଯୁକ୍ତ ମାନଙ୍କ ରେକର୍ଡ଼ କରାଯାଇଥିବା ବୟାନର ସମୀକ୍ଷା କରୁଛି କ୍ରାଇମବ୍ରାଞ୍ଚ । ଏପରକି ଏନଆଇଏର ଟିମ୍ ମଧ୍ୟ ଘଟଣାର ତନାଘନା କରିଥିଲା ।

ଏଥିସହିତ ପଢ଼ନ୍ତୁ: କୋଭିଡ ନିୟମ ନ ମାନି ନାଚ ଗୀତରେ ମସଗୁଲ ଥିଲେ: ଚଢ଼ାଉ କଲା ପୋଲିସ