ମନଇଚ୍ଛା ଆଉ କରିପାରିବେନି ବିକ୍ଷୋଭ, ତାଲିବାନରେ ଆତଙ୍କର ସରକାର ଠାରୁ ନେବାକୁ ପଡ଼ିବ ଅନୁମତି

କାବୁଲ: ସରକାରରେ ଆସୁ ଆସୁ ଆକସନ୍ ମୁଡକୁ ଆସିଛି ତାଲିବାନ। ଆତଙ୍କର ସରକାର ଏବେ ଲୋକଙ୍କ ଉପରେ ରାଜ କରିବାକୁ ଲାଗିଲାଣି। ବିକ୍ଷୋଭ ଉପରେ ଆରମ୍ଭ କରିଛି ପ୍ରଥମ ନିୟମ। ଆଫଗାନିସ୍ତାନବାସୀଙ୍କ ସ୍ୱର ଦବାଇବା ପାଇଁ ଆରମ୍ଭ ହୋଇଛି ପ୍ରୟାସ। ଏଣିକି ଆଫଗାନିସ୍ତାନରେ ବିକ୍ଷୋଭ ବ୍ୟାନ୍ କରାଯାଇଛି। ଏ ନେଇ ସରକାରଙ୍କ ପକ୍ଷରୁ କଡା ନିର୍ଦ୍ଦେଶ ଦିଆଯାଇଛି। ଯଦି ବି କେହି ଆନ୍ଦୋଳନ କରିବେ ତେବେ ଅନୁମତି ନେବାକୁ ପଡିବ ବୋଲି ତାଲିବାନ ସରକାର ରହିଛି।

କଣ ପାଇଁ ବିକ୍ଷୋଭ କରାଯିବ, କେତେ ଲୋକ ସାମିଲ ହେବେ ଏ ନେଇ ସମସ୍ତ ତଥ୍ୟ ଗୃହ ମନ୍ତ୍ରାଳୟକୁ କହିବା ପାଇଁ ବାଧ୍ୟତାମୂଳକ କରାଯାଇଛି। ଏଥିରୁ ସ୍ପଷ୍ଟ ହେଉଛି, ତାଲିବାନ ଆଫଗାନବାସୀଙ୍କ ସ୍ୱର ଦବାଇବା ପାଇଁ ଚେଷ୍ଟା କରିବା ସହ ସେମାନଙ୍କ ଅଧିକାର ଛଡାଇ ନେବା ପାଇଁ ପ୍ରୟାସ କରିଛି। ଗତ କିଛି ଦିନ ଧରି ଆଫଗାନିସ୍ତାନରେ ତାଲିବାନ୍ ବିରୋଧରେ ମୋର୍ଚ୍ଚା ଖୋଲିଛନ୍ତି ମହିଳାମାନେ। ଯାହାକୁ ନେଇ ଚାରିଆଡୁ ନିନ୍ଦିତ ହେଉଛି ତାଲିବାନ୍।