ବିଜେପିକୁ ଏବେଠାରୁ ଘାରିଲାଣି ହାରିବା ଭୟ, ମନଗଢ଼ା ବିବୃତ୍ତିରୁ କ୍ଷାନ୍ତ ରହୁ ବିଜେପି: ବିଜେଡି
ଭୁବନେଶ୍ୱର: ପଞ୍ଚାୟତ ଓ ପୌର ନିର୍ବାଚନରେ ୫୦ ପ୍ରତିଶତ ସଂରକ୍ଷଣ ନେଇ ବିଜେପିର ଅଭିଯୋଗ ପ୍ରସଙ୍ଗ। ସାମ୍ବାଦିକ ସମ୍ମିଳନୀ କରି ସମାଲୋଚନା କଲା ବିଜେଡି। ବିଜେଡି ମୁଖପାତ୍ର ଲେନିନ୍ ମହାନ୍ତିଙ୍କ କଡ଼ା ପ୍ରତିକ୍ରିୟା। ବିଜେପି ନେତା ଭୃଗୁ ବକ୍ସି ପାତ୍ରଙ୍କ ଟିପ୍ପଣୀ ଅତ୍ୟନ୍ତ ଦୁର୍ଭାଗ୍ୟଜନକ ଓ ମନଗଢା। ବିଜେପି ହାରିବା ଭୟରେ ଏଭଳି ବିବୃତ୍ତି ରଖୁଛି। ୨୦୧୯ ନିର୍ବାଚନ ଏବଂ ତାପରେ ହୋଇଥିବା ସମସ୍ତ ନିର୍ବାଚନରେ ବିଜେପିର ରାଜ୍ୟ ୟୁନିଟ୍ ପରାଜୟ ବରଣ କରିଛି। ତେବେ ଆଗକୁ ଆସୁଥିବା ପଞ୍ଚାୟନ ନିର୍ବାଚନରେ ବୋଧେ ବିଜେପି ହାରିବା ଜାଣିସାରିଛି ସେଥିପାଇଁ ଏଭଳି ଗୋଟିଏ ମନଗଢ଼ା ବିବୃତ୍ତି ଦେଇଛି ବୋଲି ବିଜେଡି ମୁଖପାତ୍ର ଲେନିନ୍ ମହାନ୍ତି କହିଛନ୍ତି। ଆସନ୍ତା ପଞ୍ଚାୟତ ନିର୍ବାଚନରେ ହାରିବା ଭୟ ଏବେଠୁ ଘାରିଲାଣି। ନିର୍ବାଚନ ନେଇ ମାମଲା ହାଇକୋର୍ଟଙ୍କ ବିଚାରାଧୀନ ଅଛି। ପରାଜୟର ଭୟରେ ବିଜେପିର ରାଜ୍ୟ ୟୁନିଟ ଏପରି ବିବୃତ୍ତି ଦେଇଛି। ହାଇକୋର୍ଟରେ ମାମଲା ବିଚାରାଧୀନ ଥିବାରୁ ବିଜେପି ମନଗଢା ବିବୃତ୍ତି ଦେବାରୁ କ୍ଷାନ୍ତ ରହୁ ବୋଲି ସିଧା ସିଧା କହିଛନ୍ତି ବିଜେଡି ମୁଖପାତ୍ର ଲେନିନ୍ ମହାନ୍ତି।
