ଅଫ୍ଲାଇନ୍ ମାଟ୍ରିକ ପରୀକ୍ଷାରେ କୃତକାର୍ଯ୍ୟ ହେଲେ ବିଧାୟକ
ଭଞ୍ଜନଗର: ମାଟ୍ରିକ ପରୀକ୍ଷାରେ କୃତକାର୍ଯ୍ୟ ହେଲେ ବିଧାୟକ । ଅଫଲାଇନ୍ ମାଟ୍ରିକ ପରୀକ୍ଷାରେ ମୋଟ ୫ଶହ ମାର୍କରୁ ୩୪୦ ମାର୍କ ରଖି ପାସ୍ କରିଛନ୍ତି ସୋରଡ଼ା ବିଧାୟକ ପୂର୍ଣ୍ଣ ଚନ୍ଦ୍ର ସ୍ୱାଇଁ । ଗତ ଜୁଲାଇ ୩୦ ତାରିଖରେ ଅଫ୍ଲାଇନ୍ ପରୀକ୍ଷା ଦେଇଥିଲେ ବିଧାୟକ ପୂର୍ଣ୍ଣ ଚନ୍ଦ୍ର ସ୍ୱାଇଁ । ସେ ସୋରଡ଼ା ସରକାରୀ ବାଳିକା ଉଚ୍ଚ ବିଦ୍ୟାଳୟରେ ପରୀକ୍ଷା ଦେଇଥିଲେ ।
ସେ ପୂର୍ବରୁ ବହୁ ଥର ମାଟ୍ରିକ ପରୀକ୍ଷା ଦେବା ନେଇ ଚେଷ୍ଟା କରିଥିଲେ ସୁଦ୍ଧା ପାରିବାରିକ, ରାଜେନୖତିକ ଓ ସମାଜସେବା ଭିତରେ ରହି ସୁଯୋଗ ପାଇପାରୁନଥିବା କହିଥିଲେ । ତେବେ ତାଙ୍କର ସ୍ୱାସ୍ଥ୍ୟଗତ ସମସ୍ୟା ଥିବାରୁ ଯୋଗୁଁ ସେ ଆଇସୋଲେସନ୍ ଓ୍ୱାର୍ଡରେ ରହି ପରୀକ୍ଷା ଦେଇଥିଲେ ।
