ଖାଇବା ନେଇ ପହଞ୍ଚିଲେ ଡେଲିଭରୀ ବୟ, ଖାଲି ହାତ ଦେଖି ରାକ୍ଷୀ ବାନ୍ଧିଲେ ଯୁବତୀ

ଭୁବନେଶ୍ୱର: ଗତକାଲି ଭାରତ ଖୁବ ହର୍ଷୋଲ୍ଲାସରେ ପାଳନ କରିଛି ରାକ୍ଷୀ ପୂର୍ଣ୍ଣିମା । ଏହି ରାକ୍ଷୀ ପୂର୍ଣ୍ଣିମାର ସୌନ୍ଦର୍ଯ୍ୟକୁ ଦର୍ଶାଇ ଏକ କାହାଣୀ ସୋସିଆଲ ମିଡିଆରେ ଭାଇରାଲ ହେଉଛି । ରାକ୍ଷୀ ପୂର୍ଣ୍ଣିମା ଅବସରରେ ଜଣେ ଭାଇ ତା’ ଭଉଣୀ ପାଇଁ ‘ଜୋମାଟୋ’ରୁ ଖାଇବା ଅର୍ଡର କରିଥିଲେ । ଯେତେବେଳେ ଡେଲିଭରି ବୟ ଖାଦ୍ୟ ସହିତ ପହଞ୍ଚିଲା, ଭଉଣୀ ଡେଲିଭରି ବୟଟିର ଖାଲି ହାତ ଦେଖି ତା ହାତରେ ରାକ୍ଷୀ ବାନ୍ଧିଥିଲେ । ରାକ୍ଷୀ ବାନ୍ଧିବାର ଏକ ଫଟୋ ସୋସିଆଲ ମିଡିଆରେ ସେୟାର ହେବାପରେ, ଭଉଣୀଟିର ଏହି କାମକୁ ଖୁବ ପ୍ରଶଂସା କରାଯାଉଛି  ।

ଆଜି ମୋଁ ଭାଇ ଯୋମାଟୋ ରୁ ଖାଇବା ଅଡର କରିଥିଲା |
ଏଇ ଭାଇ ଯେତେବେଳେ ଖାଇବା ଦେବାକୁ ଆସିଲେ ତାଙ୍କ ହାତରେ ରାକ୍ଷୀ ନଥିଲା | ମୁଁ କିଛି ନ ପଚାରି ରାକ୍ଷୀ ଟେ ଆଣି ତାଙ୍କୁ ବାନ୍ଧିଦେଲି | ଖୁସି ରେ ମୋଁ ଆଖିରେ ଲୁହ ଆସିଗଲା | ଗୋଟେ ଭାଇ ମୋଁ ପାଇଁ ଖାଇବା ଅଡର କଲା ଆଉ ତା ବଦଳରେ ମୁଁ ଆଉ ଗୋଟେ ଭାଇ ପାଇଗଲି | ବହୁତ ଖୁସି ମୁଁ | pic.twitter.com/nI8JvsupJY

— NIHARIKA DASH SARANGI (@NiharikaDash14) August 22, 2021

ଏହି ଫଟୋଟି ପୋଷ୍ଟ କରି ଟ୍ୱିଟର ୟୁଜର ନିହାରିକା ଦାଶ ଓଡ଼ିଆ ଭାଷା ରେ ଲେଖିଛନ୍ତି ଯେ, ଆଜି ମୋଁ ଭାଇ ଯୋମାଟୋ ରୁ ଖାଇବା ଅଡର କରିଥିଲା । ଏଇ ଭାଇ ଯେତେବେଳେ ଖାଇବା ଦେବାକୁ ଆସିଲେ ତାଙ୍କ ହାତରେ ରାକ୍ଷୀ ନଥିଲା । ମୁଁ କିଛି ନ ପଚାରି ରାକ୍ଷୀ ଟେ ଆଣି ତାଙ୍କୁ ବାନ୍ଧିଦେଲି । ଖୁସି ରେ ମୋଁ ଆଖିରେ ଲୁହ ଆସିଗଲା । ଗୋଟେ ଭାଇ ମୋଁ ପାଇଁ ଖାଇବା ଅଡର କଲା ଆଉ ତା ବଦଳରେ ମୁଁ ଆଉ ଗୋଟେ ଭାଇ ପାଇଗଲି । ବହୁତ ଖୁସି ମୁଁ । ଅନେକ ୟୁଜର୍ସ ଏହି ଯୁବତୀଙ୍କ ଏହି କାମକୁ ପ୍ରସଂଶା କରୁଛନ୍ତି ।