ପର୍ଯ୍ୟଟନସ୍ଥଳୀରୁ ବ୍ୟାପିପାରେ ଥାର୍ଡ ୱେଭ୍, ଅଗଷ୍ଟ ଶେଷରେ ଆଶଙ୍କା

ଭୁବନେଶ୍ୱର: ଅଗଷ୍ଟ ଶେଷ ସୁଧା ଆସିବ କରୋନାର ତୃତୀୟ ଲହର । କିନ୍ତୁ ଏହା ଦ୍ବିତୀୟ ଲହର ଭଳି ସ୍ଥିତି ସୃଷ୍ଟି କରିବ ନାହିଁ । ଆଇସିଏମର ପକ୍ଷରୁ ଏଭଳି ଆକଳନ କରାଯାଇଛି । କିଛି ଅଞ୍ଚଳରେ ପ୍ରଥମ ଓ ଦ୍ବିତୀୟ ଲହରର ପ୍ରଭାବ ପଡିନଥିବା ବେଳେ ସେଠାରୁ ହିଁ ତୃତୀୟ ଲହର ଆରମ୍ଭ ହୋଇପାରେ ।

ଏଥିସହ କରୋନାର ନୂଆ ଭ୍ୟାରିଏଣ୍ଟ ଯୋଗୁଁ ତୃତୀୟ ଲହର ଅନୁମାନରୁ ଶିଘ୍ର ଆସିପାରେ । ସବୁଠାରୁ ବଡ଼ କଥା ହେଲା କରୋନାର କଟକଣା ହଟିଥିବା ରାଜ୍ୟରେ ଲୋକମାନେ ବିନା ମାସ୍କ ଏବଂ ପର୍ଯ୍ୟଟନ ସ୍ଥଳୀରେ ଜମୁଥିବା ଭିଡ ଯୋଗୁଁ କରୋନାର ତୃତୀୟ ଲହର ନିଶ୍ଚୟ ଆସିବ ବୋଲି ଆରସିଏମଆର ପକ୍ଷରୁ କୁହାଯାଇଛି ।