ଭୟଙ୍କର ଗୋଷ୍ଠୀ ସଂଘର୍ଷ, ୨ମୃତ ୭ ଆହତ
କୋରାପୁଟ: କୋରାପୁଟର ଦସମନ୍ତପୁରରେ ଦେଖିବାକୁ ମିଳିଛିୁୀଦହଜ । ଯେଉଁଥିରେ ୨ ଜଣଙ୍କର ମୃତ୍ୟୁ ହୋଇଥିବାବେଳେ ୭ ଜଣ ଆହତ ହୋଇଥିବା ସୂଚନା ମିଳିଛି। ଦୁମ୍ବାଗୁଡା ପଞ୍ଚାୟତ ହାତିମୁଣ୍ଡା ଗାଁରେ ଘଟିଛି ଏହି ଘଟଣା।
ଘଟଣାରେ ୨ଜଣ ମୃତକ ହେଉଛନ୍ତି ଧନପତି ଜାନୀ ଓ ସହଦେଵ ଜାନୀ। ଗୁରୁତରଙ୍କୁ କୋରାପୁଟ ଜିଲ୍ଲା ସହିଦ୍ ଲକ୍ଷ୍ମଣ ନାୟକ କଲେଜ୍ ଓ ହସପିଟାଲକୁ ସ୍ଥାନାନ୍ତରିତ କରାଯାଇଛି । ଏନେଇ ପୋଲିସର ତନାଘନା ଆରମ୍ଭ ହୋଇଛି । ଅନ୍ୟପଟେ ପୈତୃକ ସଂପତ୍ତିବାଡିକୁ ନେଇ ଗୋଷ୍ଠୀ ସଂଘର୍ଷ ହୋଇଥିବା ଅନୁମାନ କରାଯାଉଛି । ଏମିତିକି ଗୁଣିଗାରେଡି ସନ୍ଦେହରେ ହତ୍ୟାକାଣ୍ଡ ଘଟିଥିବା କିଛି ଲୋକ କହୁଛନ୍ତି । ଖବର ପାଇ ଘଟଣାସ୍ଥଳରେ କୋରାପୁଟ ଡିଏସପି ପହଞ୍ଚି ତନାଘନା ଆରମ୍ଭ କରିଛନ୍ତି।
ଅନ୍ୟପଟେ ଏଭଳି ହତ୍ୟାକାଣ୍ଡକୁ ନେଇ ସମଗ୍ର ଦଶମନ୍ତପୁର ବ୍ଲକ ଅଞ୍ଚଳରେ ଚାଞ୍ଚଲ୍ୟ ଖେଳିଯାଇଥିବା ଜଣାପଡିଛି। ଏହି ହତ୍ୟାକାଣ୍ଡ ଘଟିବା ପରେ ହାତୀ ମୁଣ୍ଡା ଗାଁର ଆଦିବାସୀ ସାହିରେ ଏକ ପ୍ରକାର ଜନ ଶୂନ୍ୟ ହୋଇ ଯାଇଥିବା ଦେଖିବାକୁ ମିଳିଛି।
