ଆଉ ସପ୍ତାହେ ପାଇଁ ବଢ଼ିଲା ଲକଡାଉନ୍

ତାମିଲନାଡ଼ୁ: ତାମିଲନାଡୁରେ କରୋନା ସଂକ୍ରମଣ ଧିରେ ଧିରେ କମିବାରେ ଲାଗିଛି, ହେଲେ ସମ୍ପୂର୍ଣ୍ଣ ଲକଡାଉନ୍ କୋହଳ କରିବା ମୁଡରେ ନାହାଁନ୍ତି ଷ୍ଟାଲିନ୍ ସରକାର। ତାମିଲନାଡୁ ମୁଖ୍ୟମନ୍ତ୍ରୀ ଏମ.କେ ଷ୍ଟାଲିନ୍ ରାଜ୍ୟରେ ପୁଣି ଗୋଟିଏ ସପ୍ତାହ ପାଇଁ ଲକଡାଉନ୍ ବୃଦ୍ଧି କରିଛନ୍ତି। ରାଜ୍ୟରେ ଆସନ୍ତା ୧୯ ତାରିଖ ପର୍ଯ୍ୟନ୍ତ ଲକଡାଉନ୍ ବୃଦ୍ଧି କରାଯାଇଛି।

ତେବେ କିଛି କଟକଣା କୋହଳ କରାଯାଇଛି। ରାତି ୯ଟା ଯାଏ ୫୦ ପ୍ରତିଶତ ଗ୍ରାହକରେ ହୋଟେଲ୍ , ଚା ଦୋକାନ, ଜାତୀୟ ରାଜପଥ ନିକଟରେ ଥିବା ଦୋକାନ ଖୋଲିବା ପାଇଁ ଅନୁମତି ମିଳିଛି । ତେବେ ପୂର୍ବପରି ବନ୍ଦ ରହିବ ସ୍କୁଲ, କଲେଜ, ଥିଏଟର, ବାର ଓ ସୁଇପିଙ୍ଗ ପୁଲ୍ । କେବଳ ପୁଡୁଚେରୀକୁ ବସ ସେବା ପାଇଁ ଅନୁମତି ମିଳିଥିବାବେଳେ ପଡୋଶୀ ରାଜ୍ୟ ପାଇଁ ଅନୁମତି ମିଳିନାହିଁ । ବାହାଘରରେ ୫୦ ଜଣ ଲୋକ ସାମିଲ ହେବାପାଇଁ ଅନୁମତି ମିଳିଥିବାବେଳେ ଶୁଦ୍ଧି କ୍ରିୟାରେ ୨୦ ଜଣ ଲୋକ ସାମିଲ ହୋଇପାରିବେ । ଗତ ୨୪ ଘଣ୍ଟାରେ ତାମିଲନାଡୁରେ ୩ ହଜାର ୯୨୧ କରୋନା ସଂକ୍ରମିତ ଚିହ୍ନଟ ହୋଇଥିବାବେଳେ ସୁସ୍ଥ ସଂଖ୍ୟା ବଢିବାରେ ଲାଗିଛି।