କଟକରୁ ପୁଣି ଜବତ ହେଲା ବ୍ରାଉନସୁଗାର। କଟକ ଜିଲ୍ଲା ବାଙ୍କୀରୁ ଜବତ ହୋଇଛି ୧୬୪ ଗ୍ରାମ ବ୍ରାଉନ ସୁଗାର। ତେବେ ଏହି ଘଟଣାରେ ବାଙ୍କୀ କେନ୍ଦ୍ରାଞ୍ଚଳ ଅବକାରୀ ବିଭାଗ ଜଣେ ଯୁବକଙ୍କୁ ଗିରଫ କରିଛି।
ସୂଚନା ଅନୁଯାୟୀ, ଏହି ଧଳା ଜହର କାରବାର ଘଟଣାରେ ବାଙ୍କୀ ପଡ଼ାସାହିର ସୁରେଶ ମହାପାତ୍ର ନାମକ ଜଣେ ଯୁବକକୁ ଗିରଫ କରାଯାଇଛି। ତେବେ ସୁରେଶ ଦୀର୍ଘଦିନ ହେଲା ବାଙ୍କୀ ଅଞ୍ଚଳରେ ଧଳା ଜହର ବେପାର କରୁଥିଲା ବୋଲି ଜଣାପଡ଼ିଛି। ସୁରେଶଙ୍କଠୁ ପୋଲିସ ଜବତ କରିଥିବା ୧୬୪ ଗ୍ରାମ ବ୍ରାଉନ ସୁଗାରର ଆନୁମାନିକ ମୂଲ୍ୟ ପାଖାପାଖି ୧୬ ଲକ୍ଷ ଟଙ୍କା ହେବ ବୋଲି କେନ୍ଦ୍ରାଞ୍ଚଳ ଅବକାରୀ ବିଭାଗ ସ୍ପଷ୍ଟ କରିଛି।
