ତୃତୀୟ ପ୍ରବାହ ନେଇ ପ୍ରସ୍ତୁତି: ଛୋଟ ପିଲାଙ୍କ ଚିକିତ୍ସା ନେଇ ଡାକ୍ତରଙ୍କୁ ଦିଆଯାଉଛି ସ୍ୱତନ୍ତ୍ର ଟ୍ରେନିଂ
ଭୁବନେଶ୍ୱର: କରୋନାର ତୃତୀୟ ଲହର ସେପ୍ଟେମ୍ବର କି ଅକ୍ଟୋବର ମାସ ବେଳକୁ ଆସିପାରେ । ତୃତୀୟ ଲହରରେ ଶିଶୁ ଅଧିକ ସଂକ୍ରମିତ ହେବା ଆଶଙ୍କା ଥିବାରୁ ଏଥିପାଇଁ ପ୍ରସ୍ତୁତି ଆରମ୍ଭ କରିଛନ୍ତି ରାଜ୍ୟ ସରକାର । ଛୋଟ ଶିଶୁଙ୍କ ଚିକିତ୍ସା ଅନ୍ୟ ରୋଗୀଙ୍କଠାରୁ ଭିନ୍ନ ହୋଇଥିବାରୁ ତାଙ୍କ ପ୍ରତି ଅଧିକ ଗୁରୁତ୍ୱ ଦିଆଯିବ । ସେଥିପାଇଁ ଏବେଠୁ ଡାକ୍ତରମାନଙ୍କୁ ଟ୍ରେନିଂ ଦେବା ସହ ଜେନେରାଲ ଓ ଆଇସିୟୁ ବେଡ୍ ପ୍ରସ୍ତୁତ ରଖାଯାଉଛି । ତେବେ ତୃତୀୟ ଲହରରେ ଶିଶୁ ବିଶେଷ ଭାବେ ପ୍ରଭାବିତ ହେବେ ନାହିଁ ବୋଲି ଦିଲ୍ଲୀ ଏମ୍ସର ନିର୍ଦ୍ଦେଶକ ଗୁଲେରିଆ କହିଛନ୍ତି । ସେପଟେ ରାଜ୍ୟର ଯେଉଁ ଜିଲ୍ଲାରେ ପଜେଟିଭିଟି ରେଟ ୫ପ୍ରତିଶତ ତଳେ ରହିଛି, ସେଠାରେ ଅନଲକ ପକ୍ରିୟାରେ କିଛି କଟକଣା କୋହଳ କରିବାକୁ ବିଚାର ବିମର୍ସ ଚାଲିଥିବା ରାଜ୍ୟ ସ୍ୱାସ୍ଥ୍ୟ ନିର୍ଦ୍ଦେଶକ କହିଛନ୍ତି ।
