ବିଶ୍ୱ ପରିବେଶ ଦିବସରେ ଶିଆଳ ପତ୍ରରେ ତିଆରି ପୋଷାକ ପିନ୍ଧି ସଚେତନ କରୁଛି କୁନି ଝିଅ
ଫୁଲବାଣୀ: ଚର୍ଚ୍ଚାରେ କନ୍ଧମାଳ ଝିଅ ବ୍ଲେସି ପ୍ରଧାନ । ପରିବେଶ ଦିବସ ଅବସରରେ ପତ୍ରରେ ତିଆରି ପୋଷାକ ପିନ୍ଧି ଲୋକଙ୍କୁ ପରିବେଶର ସୁନ୍ଦରତା ନେଇ ଅବଗତ କରାଉଛି କୁନି ଝିଅ ବ୍ଳେସି । ଓଡ଼ିଶାର କାଶ୍ମୀର ଦାରିଙ୍ଗବାଡ଼ି ବ୍ଳକର ତେରାବାଡ଼ି ଗାଁର ୪ ବର୍ଷର ଝିଅ ବ୍ଲେସି ପ୍ରଧାନ । ସେ ପିନ୍ଧିଥିବା ପତ୍ର ଓ ଫୁଲରେ ନିର୍ମିତ ପୋଷାକ ଏବେ ଭାଇରାଲ୍ ହେବାରେ ଲାଗିଛି । କନ୍ଧମାଳ ଜିଲ୍ଲାର ସୁନ୍ଦର ସବୁଜିମା ଦାରିଙ୍ଗବାଡ଼ି ବଣ ପାହାଡ଼ ଘେରା ଏହି ଅଞ୍ଚଳରେ କୁନି ଝିଅର ପୋଷାକର ଫଟୋ ଏବେ ସାରା ରାଜ୍ୟରେ ଭାଇରାଲ୍ ହେବାରେ ଲାଗିଛି ।
ଶିଆଳି ପତ୍ରରେ ଅତି ସୁନ୍ଦର ଭାବେ ତିଆରି ହୋଇଛି ତାଙ୍କର ପୋଷାକ । ସେହିଭଳି ନାନା ରଙ୍ଗର ବଣ ଫୁଲ କୁନି ଝିଅର ମୁଣ୍ଡରେ ସଜେଇ ହୋଇ ଅତି ସୁନ୍ଦର ଲାଗୁଛି । ସେହିଭଳି ପତ୍ରରେ ତିଆରି ମାକ୍ସ ମଧ୍ୟ ଅତି ଆକର୍ଷଣୀୟ ଲାଗୁଛି । ଚାରି ବର୍ଷ ର ଝିଅ ବ୍ଲେସି ପତ୍ରର ତିଆରି ପୋଷାକ ପିନ୍ଧି ବଣରେ ଥିବା ଫୁଲ ଫଳ ତୋଳିବାର ଦେଖିବାକୁ ମିଳିଛି । କୁନି ଝିଅର ପୋଷାକ ପିନ୍ଧିଥିବା ଦୃଷ୍ୟ ଯେମିତି ଲାଗୁଛି ବଣର କୁନି ପରି ଆକାଶରୁ ଓଲାଇ ଆସିଛି ।
