ପୋଲିସ ବାବୁଙ୍କର ଲାଞ୍ଚୁଆ ମନୋବୃତ୍ତି, କହିଲେ ୫ ଶହ ଖର୍ଚ୍ଚଦେ ନହଲେ ୫ ହଜାର ଫାଇନ୍ କାଟିବି
ନୟାଗଡ଼: ସମ୍ମୁଖ ଯୋଦ୍ଧାଙ୍କର ଲାଞ୍ଚୁଆ ମନୋବୃତ୍ତି। ବାଇକ ଚାଳକଙ୍କୁ ଲାଞ୍ଚ ଦେବା ପାଇଁ ବାଧ୍ୟ କଲେ ଏବଂ ଅସଭ୍ୟ ଭାଷାରେ ଗାଳି ମଧ୍ୟ ଦେଲେ। ୫ ଶହ ଟଙ୍କା ଲାଞ୍ଚ ଦିଅ ନଚେତ ୫ ହଜାର ଟଙ୍କା ଜରିମାନା କାଟଟି ବୋଲି ପୋଲିସ୍ ବାବୁଙ୍କର ଧମକ। ଏଭଳି ଏକ ଲାଞ୍ଚୁଆ ପୋଲିସ ଅଫିସଙ୍କ କାରନାମା ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି। ଗତକାଲି ନୟାଗଡ଼ ଦଶପଲ୍ଲାର ଦୁର୍ଗା ବଜାରରେ ଗାଡ଼ିର ମାସ୍କ ଓ କାଗଜ ପତ୍ର ଚେକିଙ୍ଗୀ ହେଉଥିଲା। ସେ ସମୟରେ ଦଶପଲ୍ଲା ଥାନାର ହାବିଲିଦାର ଜୟନ୍ତ ସେଠି ଜଣେ ବାଇକ ଚାଳକକୁ ଧରିଥିଲେ। କାଗଜ ପତ୍ର ମାଗି ଦେଖିବାକୁ କହିଥିଲେ। କିଛି କାଗଜ ପତ୍ର ଠିକ ପାଖରେ ନଥିବାରୁ ତାକୁ ୫ ଶହ ଟଙ୍କା ଲାଞ୍ଚ ମାଗିଥିଲେ। ବାଇକ ଚାଳକ ଲାଞ୍ଚ ପାଇଁ ମନା କରିବାରାରୁ ପୋଲିସ ବାବୁ ଜଣକ ବାଇକ ଚାଳକକୁ ଧମକାଇଥିଲେ। ଯଦି ୫ଶହ ଟଙ୍କା ନଦେବୁ ତେବେ ତୋର ୫ ହଜାର ଟଙ୍କା ଫାଇନ କାଟିବି ବୋଲି କହିଥିଲେ। ଏଭଳି ଭିଡିଓ ଭାଇରାଲ ପରେ ଦୋଷୀଙ୍କ ବିରୋଧରେ ଦୃଢ଼ କାର୍ଯାନୁଷ୍ଠାନ ଦାବୀ ହୋଇଛି।
