ପାଟଣା ଲୋକପ୍ରିୟ ‘ଖାନ ସାର’ଙ୍କ ଏ ହେଉଛି ପ୍ରକୃତ ନାମ…
ପାଟଣା: ଦେଶୀ ଅନ୍ଦାଜରେ ଜିଏସର ବିଷୟ ବସ୍ତୁକୁ ବ୍ୟାଖ୍ୟା କରୁଥିବା ‘ଖାନ ସାର୍’ ଙ୍କ ନାମକୁ ନେଇ ବିବାଦ ଦେଖାଦେଇଛି । ଏପ୍ରିଲ ୨୪ ରେ ତାଙ୍କ ଦ୍ୱାରା ଦିଆଯାଇଥିବା ଗୋଟିଏ ଭିଡିଓରେ , ଯେଉଁଥିରେ ସେ ପାକିସ୍ତାନରେ ଫ୍ରାନ୍ସର ରାଷ୍ଟ୍ରଦୂତଙ୍କୁ ଦେଶରୁ ବାହାର କରିବା ବିରୋଧର ହେଉଥିବା ପ୍ରଦର୍ଶନ ବିଷୟରେ ବୁଝାଇଥିଲେ । ସେ ଏହି ଭିଡିଓରେ ଶିଶୁର ଚିତ୍ର କରୁଥିବା ବେଳେ ଯେଉଁ ମନ୍ତବ୍ୟ ଦେଇଥିଲେ ଏହା ଉପରେ ଏବେ ବିବାଦ ଆରମ୍ଭ ହେବା ପରେ ତାଙ୍କ ନାଁକୁ ନେଇ ଚର୍ଚ୍ଚା ଜୋର ଧରିଛି ।
ତାଙ୍କ ନାମ ଖାନ ସାର୍ ନା ଅମିତ ସିଂ ?
ଯେତେବେଳେ ଟ୍ୱିଟରରେ ଖାନ ସାରର ଭିଡ଼ିଓ ଖୋଜାଗଲା ସେତେବେଳେ ତାଙ୍କ ପ୍ରକୃତ ନାମ ଖାନ ସାର ନୁହେଁ ବରଂ ଅମିତ ସିଂ ବୋଲି ସେ ନିଜେ କହିବାର ଏକ ଭିଡ଼ିଓ ମିଳିଥିଲା। ଯେତେବେଳେ ନାଁକୁ ନେଇ ବିବାଦ ଆରମ୍ଭ ହୋଇଥିଲା ତାଙ୍କ ପ୍ରକୃତ ନାଁ ସାମ୍ନାକୁ ଆସିଥିଲା ।
ପାଟନାରେ ଖାନ ଜିଏସ ରିସର୍ଚ୍ଚ ସେଣ୍ଟରରେ ତାଙ୍କ ସହ ଶିକ୍ଷାଦାନ କରୁଥିବା ଜଣେ ଶିକ୍ଷକ ମହେନ୍ଦ୍ର ସାଗରଙ୍କୁ ମଧ୍ୟ ଏନେଇ ପଚରା ଯାଇଥିଲା । ମହେନ୍ଦ୍ର ସାଗର କହିଥିଲେ ସେ ଏହି କେନ୍ଦ୍ରରେ ଚାରି ବର୍ଷ ଧରି ଶିକ୍ଷାଦାନ କରୁଛନ୍ତି । ଖାନ ସାରଙ୍କ ନାଁ ପ୍ରକୃତରେ ଫୈଜଲ ଖାନ । ଏହି କେନ୍ଦ୍ରରେ ଥିବା ବିଲ୍ଡିଂର ମାଲିକଙ୍କର ସମସ୍ତ ଦଲିଲରେ ମଧ୍ୟ ଏହି ସମାନ ନାମ ଅଛି । ଯେଉଁଥିରେ ତାଙ୍କର ପ୍ରକୃତ ନାମ ଫୈଜଲ ଖାନ ଲେଖାଯାଇଛି । କେବଳ ସେତିକି ନୁହେଁ ଯେତେବେଳେ ତାଙ୍କ ପ୍ରକୃତ ନାମ ଜାଣିବା ପାଇଁ ଅଧିକ ପ୍ରୟାସ କରାଗଲା ସେତେବେଳେ ୟୁପିର ଦେଓରିଆ ଜିଲ୍ଲାର ଭଟ୍ଟପାରାନି ସହରରେ ଯେଉଁଠାରେ ସେ ତାଙ୍କ ସ୍କୁଲ ଜୀବନ କଟାଇଥିଲେ । ସେତେବେଳେ ତାଙ୍କର ଜଣେ ସହପାଠୀ ମଧ୍ୟ ତାଙ୍କ ନାମ ଫୈଜଲ ଖାନ ବୋଲି କହିଥିଲେ ।
ଏବଂ ସେ ଯେଉଁ ଭିଡ଼ିଓ ତିଆରି କରି ଅପଲୋଡ କରନ୍ତି । ସେହି ଭିଡ଼ିଓକୁ ଯେଉଁମାନେ ଏଡିଟ୍ କରି ସଜାନ୍ତି ସେମାନେ ମଧ୍ୟ ତାଙ୍କ ପ୍ରକୃତ ନାଁ ଫୈଜଲ ଖାନ ବୋଲି ମଧ୍ୟ କହିଛନ୍ତି । ଯଦି ତାଙ୍କ ପ୍ରକୃତ ନାଁ ଫୈଜଲ ଖାନ୍ ତେବେ ତାଙ୍କୁ ଅନ୍ୟ ମାନେ କାହିଁକି ଖାନ ସାର୍ ବୋଲି ଡାକନ୍ତି ଏବଂ ସେ ନିଜ ନାଁକୁ ନେଇ କାହିଁକି ମିଛ କହୁଛନ୍ତି ସେନେଇ ଚର୍ଚ୍ଚା ଜୋର ଧରିଛି ।
