ବିପଦର ସଂକେତ: ଆଣ୍ଟାର୍କଟିକାରେ ତରଳୁଛି ଗ୍ଳାସିୟର, ଦିଲ୍ଲୀଠାରୁ ୩ ଗୁଣା ବଡ଼ ବରଫ ଚଟାଣ ହେଲା ଅଲଗା

ନୂଆଦିଲ୍ଲୀ: ଭୂପୃଷ୍ଠ ଆଡ଼କୁ ମାଡ଼ି ଆସିବ ସମୁଦ୍ର । ବଢ଼ିବ ସମୁଦ୍ରର ଜଳସ୍ତର । ସାରା ପୃଥିବୀରେ ମୋଟ ୩ ଭାଗ ଜଳଭାଗ ଥିବା ବେଳେ ଏହା ଆହୁରି ବଢ଼ିବ । ପୃଥିବୀ ପୃଷ୍ଠରେ ପାନୀୟ ଜଳର ସମସ୍ୟା ଦେଖାଯିବ । ଏଭଳି କି କିଛି ଦେଶ ମଧ୍ୟ ବୁଡ଼ିଯିବ । ଜଳବାୟୁ ପରିବର୍ତ୍ତନ ଓ ଗ୍ଳୋବାଲ୍ ଓ୍ୱାର୍ମିଂ ଏହାର କାରଣ କୁହାଯାଉଥିବା ବେଳେ ଏହାର ଏକ ଉଦାହରଣ ଆଣ୍ଟାର୍କଟିକାରେ  ଦେଖିବାକୁ ମିଳିଛି ।

ବିଶ୍ୱର ସବୁଠାରୁ ବଡ଼ ବରଫ ପାହାଡ଼ର ଦକ୍ଷିଣ ପାର୍ଶ୍ୱରୁ ଏକ ବିଶାଳ ବରଫ ଚଟାଣ  ଅଲଗା ହୋଇଛି । ଯାହାର କ୍ଷେତ୍ରଫଳ ରାଜଧାନୀ ଦିଲ୍ଲୀର କ୍ଷେତ୍ରଫଳର ୩ ଗୁଣା । ଅଲଗା ହୋଇଥିବା ବରଫ ଚଟାଣର କ୍ଷେତ୍ରଫଳ ୪ ହଜାର ୩୨୦ ବର୍ଗ କିଲୋମିଟର ରହିଥିବା ବେଳେ ରାଜଧାନୀ ଦିଲ୍ଲୀର କ୍ଷେତ୍ରଫଳ ହେଉଛି ୧ହଜାର ୪୮୪ ବର୍ଗ କିଲୋମିଟର ।

ଅଲଗା ହୋଇଥିବା A-76 ବରଫ ଚଟାଣକୁ ଦକ୍ଷିଣ ମହାସାଗରର ଓ୍ୱେଡଲ ସାଗରରେ ଆଡ଼କୁ ଭାସି ଯାଉଥିବା ଦେଖିବାକୁ ମିଳିଛି । ଏହା ତରଳିବାର ବଡ଼ କାରଣ ହେଉଛି ଗ୍ଳୋବାଲ ଓ୍ୱାର୍ମିଂ । ସମଗ୍ର ବିଶ୍ୱ ଯେତେବେଳେ କରୋନା ଭାଇରସ ସହିତ ସଂଘର୍ଷ କରୁଛି, ଏବେ ଏହା ବିଶ୍ୱ ତାପମାତ୍ରା ପାଇଁ ଏହା ବଡ଼ ବିପଦ ହୋଇପାରେ । ଏହାଦ୍ୱାରା ପୃଥିବୀର ତାପମାତ୍ରା ପ୍ରାୟ ୬୦ ଡିଗ୍ରୀ ଯାଏଁ ବଢ଼ିପାରେ। ଜଣେ ବ୍ୟକ୍ତି ଏହି ଉତ୍ତାପକୁ ସହଜରେ ସହ୍ୟ କରିପାରିବ ନାହିଁ  । ଫଳରେ ଦୁନିଆର ବିଶୁଦ୍ଧ ପାନୀୟ ଜଳର ଅଭାବ ହେବ । ମଣିଷମାନେ ମଧ୍ୟ ପାନୀୟ ଜଳ ପାଇଁ ସଂଘର୍ଷ କରିବେ ଏବଂ କିଛି ବର୍ଷ ପରେ ପୃଥିବୀରେ ମନୁଷ୍ୟର ଜୀବନ ସମ୍ପୂର୍ଣ୍ଣ ସମାପ୍ତ ହୋଇପାରେ ବୋଲି ଆଶଙ୍କା କରାଯାଉଛି ।