ପିଏମ୍ କିଷାନରେ ଓଡ଼ିଶା ଚାଷୀଙ୍କୁ ସହାୟତା ନଗଣ୍ୟ

ଭୁବନେଶ୍ୱର: ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ପିଏମ କିଷାନ ସହାୟତା ରାଶି ପ୍ରଦାନ କରିଛନ୍ତି ।  ଦେଶର ୯କୋଟି ୫୦ ଲକ୍ଷ ୬୭ ହଜାର ୬୦୧ ଜଣ ଚାଷୀଙ୍କୁ ମୋଟ ୨୦ହଜାର ୬୬୭ କୋଟି ୭୫ ଲକ୍ଷ ୬୬ ହଜାର ଟଙ୍କା ପ୍ରଦାନ କରାଯାଇଛି । ଏଥିରେ ଓଡ଼ିଶାର ଭାଗ ଅତ୍ୟନ୍ତ ନଗଣ୍ୟ ଥିବା ବେଳେ ଦେଶର କୌଣସି ଭାଗଚାଷୀ କିମ୍ବା ଭୂମିହୀନ ଚାଷୀ ଏହି ଯୋଜନାରୁ ଲାଭ ପାଉନାହାଁନ୍ତି ।

କେବଳ ବଡ଼ ବଡ଼ ଜମି ମାଲିକମାନେ ହିଁ ଏହି ଯୋଜନାରୁ ଲାଭବାନ ହେଉଛନ୍ତି । କିନ୍ତୁ ରାଜ୍ୟର ସବୁ ବର୍ଗର ଚାଷୀଙ୍କ ସାମାଜିକ ଓ ଆର୍ଥିକ ବିକାଶ ପାଇଁ ୨୦୧୯ରେ କାଳିଆ ଯୋଜନା ଆରମ୍ଭ ହୋଇଛି । ଏହି ଯୋଜନାରେ କ୍ଷୁଦ୍ର ଓ ନାମମାତ୍ର ଚାଷୀଙ୍କ ସହ ଭୂମିହୀନ ଓ ଭାଗଚାଷୀଙ୍କୁ ସାମିଲ କରାଯାଇଛି । ୨୦୧୯ରେ ଆରମ୍ଭ ହୋଇଥିବା ଏହି ଯୋଜନାରେ ୪୨ ଲକ୍ଷରୁ ଅଧିକ ଚାଷୀ ଉପକୃତ ହେଉଛନ୍ତି ।

ଭାଇ @dpradhanbjp, ଭଲ କଥା କହିଲେ I ଓଡ଼ିଶାର କାଳିଆ ଯୋଜନାରେ ଭୂମିହୀନ ଓ ଭାଗଚାଷୀଙ୍କୁ ଅନ୍ତର୍ଭୁକ୍ତ କରାଯାଇଛି I କାଳିଆ ଭଳି ଆପଣ PM-KISAN ରେ ମଧ୍ୟ ଏହି ଭୂମିହୀନ ଗରିବ ପରିବାରଙ୍କୁ ଅନ୍ତର୍ଭୁକ୍ତ କରାନ୍ତୁ I ସମସ୍ତେ ଉପକୃତ ହେବେ I

— Pranab Prakash Das (@pranabpdas) May 14, 2021

ବିଜେଡିର ସାଂଗନଠନିକ ସମ୍ପାଦକ ପ୍ରଣବ ପକାଶ ଦାସ ଟ୍ୱିଟ୍ କରି ଓଡ଼ିଶାର କାଳିଆ ଯୋଜନାରେ ଭୂମିହୀନ ଓ ଭାଗଚାଷୀଙ୍କୁ ଅନ୍ତର୍ଭୁକ୍ତ କରାଯାଇଛି । କାଳିଆ ଭଳି ପିଏମ୍ କିଷାନ ଯୋଜନାରେ ମଧ୍ୟ ଭୂମିହୀନ ଗରିବ ପରିବାରକୁ ସାମିଲ୍ କଲେ ସମସ୍ତ ଉପକୃତ ହେବେ ବୋଲି ଲେଖିଛନ୍ତି ପ୍ରଣବ ।