ହ୍ୱିଲଚେୟାରରେ କପିଲ ଶର୍ମା, ଫ୍ୟାନ୍ସ ପଚାରୁଛନ୍ତି କ’ଣ ହେଲା?

ମୁମ୍ବାଇ:    କମେଡିଆନ କପିଲ ଶର୍ମା ପ୍ରତିଦିନ କୌଣସି କାରଣକୁ ନେଇ ମଧ୍ୟ ଚର୍ଚ୍ଚାକୁ ଆସିଯାନ୍ତି । ୧ ଫେବୃୟାରୀକୁ ସେ ଦ୍ୱିତୀୟ ଥର ବାପା ହୋଇଥିବା କଥା ଫ୍ୟାନ୍ସଙ୍କ ସହିତ ଶେୟାର କରିଥିଲେ । ଏବେ ହ୍ୱିଲଚେୟାରରେ ବସିଥିବା କପିଲଙ୍କ ଏକ ଫଟୋ ସୋସିଆଲ ମିଡିଆରେ ଭାଇରାଲ ହେଉଛି । ଯାହା ଦର୍ଶକଙ୍କୁ ଦ୍ୱନ୍ଦରେ ପକାଇଛି । ସୋମବାରକୁ କପିଲ ଏୟାରପୋର୍ଟରେ ହ୍ୱିଲଚେୟାରରେ ବସି ବାହାରକୁ ବାହାରୁଥିବା ନଜର ଆସିଛି ।

Aapko kya hua KAPIL JI? Aapki wheelchair waali pics dekhi..aap theek to ho na..?? #KapilSharma
Plz take very good care of Urself..u r so precious for us?‍♂️.. humari Jaan ho aap?
Plz kuchh update dene ki koshish kijiye apni Health ki @KapilSharmaK9 ❤GOD Bless You KAPIL JI???‍♂️

— PoonamKAPILIAN?? (@KAPILIANPoonam) February 22, 2021

ଏହି ଫଟୋ ଦେଖିବା ପରେ କେହି ମଧ୍ୟ ଆଶ୍ଚର୍ଯ୍ୟ ହେବା ସ୍ୱାଭାବିକ କଥା । ଏହାକୁ ଦେଖିବା ପରେ ଲୋକ ଭିନ୍ନ ଭିନ୍ନ ଟୁଇଟ ମଧ୍ୟ କରୁଛନ୍ତି । କିଏ ବ୍ୟକ୍ତିଗତ ଜୀବନକୁ ନେଇ ପ୍ରଶ୍ନ କରୁଛି ତ କିଏ ପ୍ରୋଫେସନାଲ ଜୀବନକୁ ନେଇ ପ୍ରଶ୍ନ କରୁଛି । ସୋସିଆଲ ମିଡିଆରେ ଭିନ୍ନ ଭିନ୍ନ ପ୍ରଶ୍ନ କପିଲଙ୍କୁ ପଚରା ଯାଉଛି । ଏହା ପଛର କାରଣ ମଧ୍ୟ ରହିଛି । ଗତ ଦୁଇ ସପ୍ତାହ ହେବ କପିଲଙ୍କୁ ଶୋ’ରେ ଦେଖିବାକୁ ମିଳିନାହିଁ । ଯେଉଁଥିପାଇଁ ଦର୍ଶକଙ୍କ ମନରେ ଏକାଧିକ ପ୍ରଶ୍ନ ।

କିନ୍ତୁ ଏପର୍ଯ୍ୟନ୍ତ କପିଲ ହ୍ୱିଲଚେୟାରରେ ବସିଥିବା କାରଣ ସାମ୍ନାକୁ ଆସିନାହିଁ । କିନ୍ତୁ କାରଣ ଜାଣିବା ପାଇଁ ପ୍ରଶଂସକ କପିଲଙ୍କୁ ବାରମ୍ବାର ପ୍ରଶ୍ନ ପଚାରି ଅନୁରୋଧ କରୁଛନ୍ତି ।