ଜୟପୁର ଏୟାରଷ୍ଟ୍ରିପର ବିକାଶମୂଳକ କାର୍ଯ୍ୟର ତଦାରଖ
1 min read
ଜୟପୁର: ଜୟପୁର ଏୟାରଷ୍ଟ୍ରିପରୁ ଉଡ଼ିବ ବିମାନ । ୬ ମାସ ଭିତରେ ସରିବ କାମ । ପ୍ରିନ୍ସିପାଲ ସେକ୍ରେଟାରୀ ମଧୁସୂଦନ ପାଢୀଙ୍କ ନେତୃତ୍ୱରେ ଆସିଥିବା ଏକ ପ୍ରତିନିଧି ଦଳ ଜୟପୁର ଏୟାରଷ୍ଟ୍ରିପରେ ବିକାଶମୂଳକ କାର୍ଯ୍ୟର ସମୀକ୍ଷା କରିଛନ୍ତି । ଉଡ଼ାଣ ଯୋଜନାରେ ଜୟପୁର ଏୟାରଷ୍ଟ୍ରିପରୁ ବିମାନ ଉଡ଼ାଣ ହେବାକୁ ଥିବାବେଳେ ଆବଶ୍ୟକ ଭିତ୍ତିଭୂମି ଅନୁଧ୍ୟାନ କରିଛନ୍ତି ଶ୍ରୀ ପାଢ଼ୀ । ଖୁବଶୀଘ୍ର ଆବଶ୍ୟକ ଭିତ୍ତିଭୂମି ନିର୍ମାଣ କରାଯିବ । ବିମାନ ଉଡ଼ାଣ ଲାଗି ସମସ୍ତ ଭିତ୍ତିଭୂମି ଥିବା ସେ କହିଛନ୍ତି ।
ଏୟାରଷ୍ଟ୍ରିପ୍ ଭିତ୍ତିଭୂମି ଅନୁଧ୍ୟାନ ବେଳେ ଜୟପୁର ବିଧାୟକ ତାରାପ୍ରସାଦ ବାହିନୀପତି, କୋରାପୁଟ ଜିଲ୍ଲାପାଳ ଅବୁଦୁଲ ଅଖତାର, ଜୟପୁର ଉପଜିଲ୍ଲାପାଳ ଏବଂ ପୂର୍ତ୍ତ ବିଭାଗ ଯନ୍ତ୍ରୀ ଉପସ୍ଥିତ ଥିଲେ । ଚଳିତ ବର୍ଷ ଶେଷ ସୁଦ୍ଧା ଜୟପୁର ଏୟାରଷ୍ଟ୍ରିପରୁ ବ୍ୟବସାୟିକ ବିମାନ ଉଡ଼ିବା ନେଇ ସୂଚନା ଦିଆଯାଇଛି ।
ପ୍ରଥମ ପର୍ଯ୍ୟାୟରେ ୧୯ ସିଟର ବିମାନ ଉଡ଼ାଣ କରିବ । ଆସନ୍ତା ମାର୍ଚ୍ଚ ମଧ୍ୟରେ 2C ପାଇଁ ଲାଇସେନ୍ସ ଆବେଦନ ହେବ ପରବର୍ତ୍ତୀ ସମୟ ରେ ଏହା 3Cରେ ପରିବର୍ତ୍ତିତ ହେବ ବୋଲି କହିଛନ୍ତି ଜୟପୁର ବିଧାୟକ । ଅନ୍ୟପଟେ ପରିବହନ ସଚିବଙ୍କ ନିର୍ଦ୍ଦେଶ ମୁତାବକ ଠିକ୍ ସମୟରେ ସମସ୍ତ କାର୍ଯ୍ୟ ଶେଷ ପାଇଁ ପ୍ରଶାସନ ଦୃଷ୍ଟି ଦେବ ବୋଲି କହିଛନ୍ତି ଜିଲ୍ଲାପାଳ କହିଛନ୍ତି ।
