ଛବିରେ ଦେଖନ୍ତୁ ଏକାମ୍ର କ୍ଷେତ୍ରର ବଦଳିଥିବା ରୂପ
ଭୁବନେଶ୍ୱର: ବଦଳିଛି ଏକାମ୍ର କ୍ଷେତ୍ରର ରୂପରେଖ । ବିକାଶମୂଳକ କାର୍ଯ୍ୟ ପରେ ଝଲସୁଛି ଲିଙ୍ଗରାଜ ମନ୍ଦିର ଚର୍ତୁପାର୍ଶ୍ୱ । ବିକାଶ ପରେ ବଦଳିଥିବା ଲିଙ୍ଗରାଜ ମନ୍ଦିର ଚାରିପଟର ଦୃଶ୍ୟ ହିଁ କହୁଛି ଏହା କେତେ ଜରୁରୀ ଥିଲା । ପୂର୍ବରୁ ଭଜନମଣ୍ଡପ ଯୋଗୁଁ ଲିଙ୍ଗରାଜ ମନ୍ଦିରର ପଛଭାଗ ଦୃଶ୍ୟମାନ ହେଉନଥିଲା । ଉଚ୍ଛେଦ ପରେ ଏବେ ଦୂରରୁ ସୁନ୍ଦର ଦିଶୁଛି ଶ୍ରୀଲିଙ୍ଗରାଜ ମନ୍ଦିର ।
ପୂର୍ବରୁ ବିନ୍ଦୁସାଗରର ଉତ୍ତର ପାର୍ଶ୍ୱରୁ ଲିଙ୍ଗରାଜ ମନ୍ଦିର ଦେଖାଯାଉନଥିଲା । ଏବେ ଉଚ୍ଛେଦ ପରେ ଲିଙ୍ଗରାଜ ମନ୍ଦିର ସମ୍ପୂର୍ଣ୍ଣ ଭାବେ ଦେଖାଯାଉଛି ।
ସେହିଭଳି ବିନ୍ଦୁସାଗରର ଉତ୍ତର ପାର୍ଶ୍ୱରେ ଥିବା ମାର୍କେଟ୍ ବିଲ୍ଡିଂ ଯୋଗୁଁ ଲିଙ୍ଗରାଜ ମନ୍ଦିର ମଧ୍ୟରେ ଥିବା ପାର୍ଶ୍ୱ ଦେବାଦେବୀ ମନ୍ଦିର ଦେଖାଯାଉ ନଥିଲା । ଏବେ ଉଚ୍ଛେଦ ପରେ ଏହା ସୁନ୍ଦର ଦେଖାଯାଉଛି । ଉଚ୍ଛେଦ ସ୍ଥାନରେ ରାସ୍ତା ନିର୍ମାଣ କରାଯାଇଛି ।
ବିଏମସି ମେଡିକାଲ ପଶ୍ଚିମ ପାର୍ଶ୍ୱରେ ରାସ୍ତାକଡ଼ରେ ଥିବା ଦୋକାନ ଉଚ୍ଛେଦ ପରେ ମନ୍ଦିର ସମ୍ପୂର୍ଣ୍ଣ ଦେଖାଯିବା ସହ ଉକ୍ତ ରାସ୍ତା ସୁନ୍ଦର ଦିଶୁଛି ।
ସେହିଭଳି ଶୁକସାରୀ ପଛଭାଗରୁ ପୂର୍ବରୁ ଲିଙ୍ଗରାଜ ମନ୍ଦିର ଦେଖାଯାଉ ନଥିଲା । ଏବେ ଉଚ୍ଛେଦ ପରେ ତାହା ସ୍ପଷ୍ଟ ଭାବେ ପ୍ରତୀୟ ହେଉଛି ।
ଉତ୍ତର ପାର୍ଶ୍ୱ ରାସ୍ତାକଡ଼ରେ ଥିବା ଜବରଦଖଲ ଯୋଗୁଁ ରାସ୍ତାରୁ ଲିଙ୍ଗରାଜ ମନ୍ଦିର ଦେଖାଯାଉ ନଥିଲା । ଜବରଦଖଲ ଉଚ୍ଛେଦ ପରେ ରାସ୍ତା ଫାଙ୍କା ହେବ ସହ ଦୂରରୁ ମନ୍ଦିର ଦୃଶ୍ୟମାନ ହେଉଛି ।
ଏସବୁ ଦେଖିଲେ କେନ୍ଦ୍ର ସରକାର ଏନଏମଏ ଆଳରେ ବିକାଶକୁ ରୋକିବାକୁ ଅପଚେଷ୍ଟା କରୁଛନ୍ତି ବୋଲି ଅଭିଯୋଗ ହେଉଛି ।
