ଭିନ୍ନକ୍ଷମ ତାଲିମ କେନ୍ଦ୍ରରେ ସେକ୍ସ ରାକେଟ୍; ମହିଳା ପ୍ରଶିକ୍ଷକ ମଧୁ ମଞ୍ଜରୀ ଗିରଫ
ଭୁବନେଶ୍ୱର: ରାତି ହେଉଥିଲା ରଙ୍ଗୀନ । ଭିନ୍ନକ୍ଷମଙ୍କୁ ନେଇ ଭୋକ ମେଣ୍ଟାଉଥିଲେ ପିପାଶୁ । ରାଜି ହେଲେ ଖୁସ ଥିଲେ, ଅରାଜି ହେଲେ ନିର୍ଯାତନା ଦେଉଥିଲେ । ଆଉ ଏହି ସମସ୍ତ ଘଟଣାର ମୁଖ୍ୟ କାର୍ପଟଦାର ପାଲଟିଥିଲେ ମହିଳା ପ୍ରଶିକ୍ଷକ । ରାଜଧାନୀର ଭିନ୍ନକ୍ଷମ ତାଲିମ କେନ୍ଦ୍ରରେ ସେକ୍ସ ରାକେଟ୍ ଘଟଣାରେ ମହିଳା ପ୍ରଶିକ୍ଷିକା ମଧୁମଞ୍ଜରୀ ଧଳଙ୍କୁ ଗିରଫ କରିଛି ପୋଲିସ । ଭୁବନେଶ୍ବର ଏୟାରପୋର୍ଟ ଥାନା ପୋଲିସ ମହିଳା ପ୍ରଶିକ୍ଷକ ମଧୁ ମଞ୍ଜରୀ ଧଳଙ୍କୁ ଗିରଫ କରିଛି । ମଧୁ ତାଲିମ୍ କେନ୍ଦ୍ରକୁ ଆସୁଥିବା ଭିନ୍ନକ୍ଷମ ଯୁବତୀମାନଙ୍କୁ ବଳ ପୂର୍ବକ ସଂସ୍ଥାର ସଂପାଦକଙ୍କ ସହ ରାତି ବିତାଇବାକୁ ବାଧ୍ୟ କରୁଥିବା ନେଇ ଥାନାରେ ଅଭିଯୋଗ ହୋଇଥିଲା।
ଗତ ଚାରିଦିନ ତଳେ ପୀଡିତା ଭୁବେନଶ୍ବର ଏୟାରପୋର୍ଟ ଥାନାରେ ଅଭିଯୋଗ କରିବା ପରେ ମଧୁମଞ୍ଜରୀଙ୍କ ନାଁରେ ପୋଲିସ ମାମଲା ରୁଜୁ କରିଥିଲା। ପୂର୍ବରୁ ସଂସ୍ଥାର ସଂପାଦକ ଭିନ୍ନକ୍ଷମ ତାଳିମ କେନ୍ଦ୍ର ପରିସରରେ ସରକାରୀ ଅଫିରସମାନଙ୍କୁ କର୍ଲଗାଲ ଯୋଗାଇ ଖୁସି କରୁଥିବା ନେଇ ଅଭିଯୋଗ ମଧ୍ୟ ହୋଇଥିଲା । କର୍ଲଗାଲ ନ ମିଳିଲେ ତାଲିମ ନେଉଥିବା ଭିନ୍ନକ୍ଷମ ଯୁବତୀମାନଙ୍କୁ ରାତି ବିତାଇବାକୁ ବାଧ୍ୟ କରାଯାଉଥିବା ଅଭିଯୋଗ ହୋଇଛି ।
ସେହିପରି ଏପରି କାର୍ଯ୍ୟରେ ଯଦି ଭିନ୍ନକ୍ଷମ ଯୁବତୀ ଅରାଜି ହୁଅନ୍ତି, ତେବେ ସେମାନଙ୍କୁ ମାଡ ମାରିବା ସହ ରାତାରାତି ବିଦା କରାଯାଉଥିଲା। ଏନେଇ ପୀଡିତାମାନେ ଥାନାର ଦ୍ବାରସ୍ଥ ହୋଇଥିଲେ। ଗତ ନଭେମ୍ବର ମାସରୁ ମୁଖ୍ୟ ଅଭିଯୁକ୍ତ ଫେରାର ଥିବା ବେଳେ ପୋଲିସ କୌଣସି କାର୍ଯ୍ୟାନୁଷ୍ଠାନ ନେଉନଥିଲା । ଏନେଇ ପ୍ରଥମେ ନନ୍ଦିଘୋଷ ଟିଭିରେ ଖବର ପ୍ରସାରଣ ହୋଇଥିଲା ।
