ଖାନନଗର ବସ୍ ଟର୍ମିନାଲ: ଶିଳାନ୍ୟାସର ୭ ଦିନ ମଧ୍ୟରେ ଆରମ୍ଭ ହୋଇଛି ନିର୍ମାଣ କାର୍ଯ୍ୟ

କଟକ: ଖାନନଗରରେ ଦେଢ ବର୍ଷ ମଧ୍ୟରେ ଛିଡା ହେବ ଅତ୍ୟାଧୁନିକ ବସ ଟର୍ମିନାଲ । ଶିଳନ୍ୟାସର ମାତ୍ର ୭ଦିନ ମଧ୍ୟରେ ଆରମ୍ଭ ହୋଇଛି ନିର୍ମାଣ କାର୍ଯ୍ୟ । ଏନେଇ ନିର୍ମାଣ ସ୍ଥଳିରେ ଉଚ୍ଛେଦ କାର୍ଯ୍ୟ ଆରମ୍ଭ ହୋଇଛି  । ପ୍ରଥମେ ସରକାରୀ ବାଳିକା ଉଚ୍ଚ ବିଦ୍ୟାଳୟକୁ ଭଙ୍ଗାଯାଇଛି  । ଉଚ୍ଛେଦ ପ୍ରକ୍ରିୟାରେ ଦୁଇଟି ବଡ଼ ବଡ଼ ମେସିନ ଲାଗିଥିବା ବେଳେ ଏନଫୋର୍ସମେଣ୍ଟ ସ୍କ୍ବାଡ ଓ ପ୍ରଶାସନ ଘଟଣାସ୍ଥଳରେ ରହି କାର୍ଯ୍ୟର ତଦାରଖ କରୁଛନ୍ତି  ।

ଜୋର ସୋରରେ ଚାଲିଛି କଟକ ଖାନନଗର ବସ ଟର୍ମିନାଲ କାମ  । ନେତାଜୀ ଜୟନ୍ତୀରେ ଟିର୍ମିନାଲ ନିର୍ମାଣ କାର୍ଯ୍ୟର ଶିଳାନ୍ୟାସ କରିଥିଲେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ  । ଦେଢ ବର୍ଷ ମଧ୍ୟରେ ୧୨ ଏକର ଜମିରେ ଏହି ଅତ୍ୟାଧୁନିକ ବସ ଟର୍ମିନାଲ କାର୍ଯ୍ୟକ୍ଷମ ହେବ । ତେବେ ଶିଳାନ୍ୟାସର ୭ ଦିନ ମଧ୍ୟରେ ଆରମ୍ଭ ହୋଇଛି ନିର୍ମାଣ କାର୍ଯ୍ୟ  । ଏନେଇ ଅଞ୍ଚଳରେ ଥିବା ସରକାରୀ ବାଳିକା ଉଚ୍ଚ ବିଦ୍ୟାଳୟର ଉଚ୍ଛେଦରୁ ପ୍ରକଳ୍ପର କାମ ଦୃତ ଗତିରେ ଆରମ୍ଭ ହୋଇଛି  । ଦୁଇ ଦିନ ମଧ୍ୟରେ ପୂରା ସ୍କୁଲ ପରିସରରୁ ଉଛେଦ କାମ ସରିଥିବା ବେଳେ ଅନ୍ୟ ଅଂଚଳରେ ଉଛେଦ କାମ ହାତକୁ ନିଆ ଯାଇଛି ।

ଉଚ୍ଛେଦ ପ୍ରକ୍ରିୟାରେ ଦୁଇଟି ବଡ଼ ବଡ଼ ମେସିନ ଲାଗିଥିବା ବେଳେ ଏନଫୋର୍ସମେଣ୍ଟ ସ୍କ୍ବାର୍ଡ ଘଟଣାସ୍ଥଳରେ ରହି କାମକୁ ଆଗେଇ ନେଉଛନ୍ତି । ବରିଷ୍ଠ ଅଧିକାରୀମାନେ ମଧ୍ୟ ଘଟଣାସ୍ଥଳରେ ରହି କାର୍ଯ୍ୟକୁ ତ୍ବରାନ୍ବିତ କରୁଛନ୍ତି । ଏହି ଟର୍ମିନାଲ କାମ ସରକାର ଆନ୍ତରିକତା ସହ କରୁଥିବା ମତପ୍ରକାଶ ପାଇଛି  । ଦେଢ ବର୍ଷ ମଧ୍ୟରେ ଏହି ବସ ଟର୍ମିନାଲ କାମ ସରିଲେ ବାଦାମବାଡିର ଟ୍ରାଫିକ କମିବା ସହିତ ଯାତ୍ରୀ ମାନେ ଉପକୃତ ହେବେ  ।