ଚାଷୀ ଆନ୍ଦୋଳନକୁ ସମର୍ଥନ ଜଣାଇ ବିଜେପିରୁ ଇସ୍ତଫା
ହରିୟାଣା: ଚାଷୀ ଆନ୍ଦୋଳନକୁ ସମର୍ଥନ ଜଣାଇ ଭାରତୀୟ ଜନତା ପାର୍ଟି (ବିଜେପି)ରୁ ଇସ୍ତଫା ଦେଇଛନ୍ତି ବିଧାୟକ । କୃଷକ ଆନ୍ଦୋଳନକୁ ସମର୍ଥନ ଓ କୃଷି ଆଇନକୁ ବିରୋଧ ଜଣାଇ ବିଜେପିରୁ ଇସ୍ତଫା ଦେଇଛନ୍ତି ବିଧାୟକ ରାମପାଳ ମାଜରା । କଳାୟାତ ବିଧାନସଭା ନିର୍ବାଚନ ମଣ୍ଡଳୀରୁ ୩ ଥର ହେଲା ବିଧାୟକ ନିର୍ବାଚିତ ହୋଇଆସୁଥିବା ଶ୍ରୀ ମାଜରା ଗତ ୧୯ ସାଧାରଣ ନିର୍ବାଚନ ପୂର୍ବରୁ ସେ ଇଣ୍ଡିଆନ୍ ଜାତୀୟ ଲୋକ ଦଳ ତ୍ୟାଗ କରି ବିଜେପିରେ ସାମିଲ ହୋଇଥିଲେ ।
ଏଥିସହିତ ପଢ଼ନ୍ତୁ: ଇମ୍ରାନ ଖାନଙ୍କୁ ଭାରତ ଚିନ୍ତା, ଦଖଲ ପାଇଁ ବାଇଡେନଙ୍କୁ ନିବେଦନ
ତେବେ ନିଜ ଭବିଷ୍ୟତର କାର୍ଯ୍ୟପନ୍ଥା ନେଇ କିଛି ସ୍ପଷ୍ଟ କରିନାହାନ୍ତି ମାଜରା । ଲାଲକିଲ୍ଲାରେ ହୋଇଥିବା ଅଘଟଣ ଏକ ଚକ୍ରାନ୍ତ । ହିଂସା ଭିଆଇଥିବା ବ୍ୟକ୍ତି କ୍ଷମାତରେ ଥିବା ବ୍ୟକ୍ତିଙ୍କ ନିକଟତର । ଏଭଳି ଘଟଣାକୁ ରୋକିବା ସରକାରଙ୍କ ଦାୟିତ୍ୱ । ଏଥିଲାଗି ସୁରକ୍ଷା ଏଜେନ୍ସି ପକ୍ଷରୁ ପର୍ଯ୍ୟାପ୍ତ ସୁରକ୍ଷା ବ୍ୟବସ୍ଥା କରାଯିବାର ଆବଶ୍ୟକତା ରହିଥିଲା । ବିଜେପି ଚାଷୀ ଆନ୍ଦୋଳନକୁ ଭଣ୍ଡୁର କରିବାକୁ ଚେଷ୍ଟା କରୁଥିବା ସହ ସେମାନଙ୍କ ବିରୋଧରେ କିଛି ଭିତ୍ତିହୀନ ଅଭିଯୋଗ ଆଣୁଥିବା ଶ୍ରୀ ମାଜରା କହିଛନ୍ତି । ଚାଷୀ ସ୍ୱାମୀନାଥନ୍ କମିଶନଙ୍କ ସୁପାରିସକୁ କାର୍ଯ୍ୟକାରୀ କରିବାକୁ ସରକାରଙ୍କ ନିକଟରେ ଦାବି କରୁଥିବା ବେଳେ ସରକାର କୃଷକ ବିରୋଧ ଆଇନ ଲାଗୁ କରୁଛନ୍ତି ।
