ନୂଆଦିଲ୍ଲୀ: କରୋନାର ନୂଆ ଷ୍ଟ୍ରେନକୁ ନେଇ ସାରା ବିଶ୍ୱରେ ଚିନ୍ତା ବଢୁଛି। କରୋନା ଭୂତାଣୁର ନୂଆ ଷ୍ଟ୍ରେନକୁ ନେଇ ବ୍ରିଟେନ୍ ଲକଡାଉନକୁ ପୁଣି ବଢ଼ାଦେଇଛି। ଏତିକିବେଳେ ବ୍ରିଟେନର ନୂଆ ଷ୍ଟ୍ରେନକୁ ଭାରତର କୋଭାକ୍ସିନ ମାତ ଦେଉଛି ବୋଲି ଜଣାପଡ଼ିଛି।
ବ୍ରିଟେନର ନୂଆ ଷ୍ଟ୍ରେନ ବିରୋଧରେ ଭାରତ ବାୟୋଟକ ଦ୍ୱାରା ପ୍ରସ୍ତୁତ ଦେଶୀ ଟିକା କୋଭାକ୍ସିନ ଭଲ କାମ କରୁଛି ବୋଲି ସୂଚନା ମିଳିଛି। ଏକ ଅନୁଧ୍ୟାନ ପରେ ଏନେଇ ଆଇସିଏମଆର ସୂଚନା ଦେଇଛି। କରୋନା ସଂକ୍ରମଣ ବଢ଼ୁଥିବା ବେଳେ, କରୋନା ବିରୋଧରେ ସ୍ୱଦେଶୀ ଟିକା କୋଭାକ୍ସିନ ବଢ଼ିଆ କାମ କରୁଥିବା ଆଇସିଏମଆର କହିଛି। ଏହା ଶରୀରରେ ବିକଶିତ ହେଉଥିବା ଆଣ୍ଟିବଡିକୁ ବୃଦ୍ଧି କରିବାରେ ସହାୟକ ହେଉଛି ବୋଲି ଆଇସିଏମଆର କହିଛି।
