ଭୂ-ପୃଷ୍ଠରୁ ଆକାଶକୁ ଲକ୍ଷ୍ୟଭେଦ କରୁଥିବା ମିସାଇଲ୍ ଆକାଶର ସଫଳ ପରୀକ୍ଷଣ

ଭୂ-ପୃଷ୍ଠରୁ ଆକାଶକୁ ଲକ୍ଷ୍ୟଭେଦ କରୁଥିବା ମିସାଇଲ୍ ଆକାଶର ସଫଳ ପରୀକ୍ଷଣ

ବାଲେଶ୍ୱର: ଡିଆରଡିଓକୁ ଆଉ ଏକ ସଫଳତା । ଭୂ-ପୃଷ୍ଠରୁ ଆକାଶକୁ ଲକ୍ଷ୍ୟଭେଦ କରୁଥିବା (SAM) କ୍ଷେତ୍ରରେ ଡିଆରଡିଓ ଆଉ ଏକ ସଫଳତା ହାସଲ କରରିଛି । ଚାନ୍ଦିପୁର କ୍ଷେପଣାସ୍ତ୍ର ପରୀକ୍ଷା କେନ୍ଦ୍ରରୁ ମିସାଇଲ ଆକାଶ (ନୂଆ ଜ୍ଞାନକୌଶଳ ଯୁକ୍ତ)ର ସଫଳ ପରୀକ୍ଷଣ କରାଯାଇଛି । ଅପରାହ୍ଣ ୨ଟା ୨୫ରେ ମିଶାଇଲ୍ ଆକାଶ-ଏନଜିକୁ ଭୂ-ପୃଷ୍ଠରୁ ଉତକ୍ଷେପଣ କରାଯାଇଥିଲା । ଆକାଶ ସ୍ଥିରିକୃତ ଟାର୍ଗେଟକୁ ଲକ୍ଷ୍ୟ ଭେଦ କରିଛି ।

Missile intercepted the target with textbook precision. The launch met all test objectives by performing high maneuvers during the trajectory. Performance of the Command & Control system, onboard avionics & aerodynamic configuration of the missile was successfully validated: DRDO https://t.co/koNFpAY8eg

— ANI (@ANI) January 25, 2021

ବାୟୁସେନାରେ ସାମିଲ୍ ଥିବା ଆକାଶ ମିଶାଇଲ୍ ଶତ୍ରୁପକ୍ଷ ଆକାଶ ମାର୍ଗରୁ କରୁଥିବା ଶକ୍ତିଶାଳୀ ଆକ୍ରମଣକୁ ପ୍ରତିହତ ବା ନଷ୍ଟ କରିବାରେ ସକ୍ଷମ । ମିସାଇଲ୍ ଆକାଶ ଶବ୍ଦର ବେଗ ଠାରୁ ଅଢ଼େଇଗୁଣ ଅଧିକ ବେଗରେ ଲକ୍ଷ୍ୟଭେଦ କରିପାରୁଛି । ଆକାଶ କ୍ଷେପଣାସ୍ତ୍ରର ଲକ୍ଷ୍ୟଭେଦ କ୍ଷମତା ୩୦ କିଲୋମିଟର ରହିଥିବା ବେଳେ ଓଜନ ୭୨୦ କିଲୋଗ୍ରାମ, ଲମ୍ବ ୫.୭୮ ମିଟର ।

ଏହି କ୍ଷେପଣାସ୍ତ୍ର ଆକାଶକୁ ଶତ୍ରୁ ରାଷ୍ଟ୍ରକୁ ରପ୍ତାନୀ ପାଇଁ ମଧ୍ୟ ପ୍ରଧାନମନ୍ତ୍ରୀ ମୋଦି ପୂର୍ବରୁ ଅନୁମତି ଦେଇଛନ୍ତି । ଡିଆରଡିଓ ବିକଶିତ କରିଥିବା କ୍ଷେପଣାସ୍ତ୍ର ଆକାଶ ଗୋଟିଏ ଥରରେ ଏକାଧିକ ଲକ୍ଷ୍ୟଭେଦ କରିପାରିବ । ଏହା ସୁପରସୋନିକ ବେଗରେ ଗତି କରି ଉଭୟ ସବସୋନିକ (ଧ୍ୱନିକ) ଓ ସୁପରସୋନିକ (ପରାଧ୍ୱନିକ) ଟାର୍ଗେଟକୁ ନଷ୍ଟ କରିପାରିବ ।