ଆୟବହିର୍ଭୂତ ସମ୍ପତି ଠୁଳ ଅଭିଯୋଗରେ କେସେଇପାଲିର ପିଇଓଙ୍କ ଘରେ ଚଢାଉ
ବରଗଡ଼ା: ଭିଜିଲାନ୍ସ ଜାଲରେ ବରଗଡ଼ ଭଟଲି ବ୍ଲକ କେସେଇପାଲିର ପିଇଓ । ଆୟବହିର୍ଭୂତ ସମ୍ପତି ଠୁଳ ଅଭିଯୋଗରେ ଚାଲିଛି ରେଡ । ଉଭୟ ଗ୍ରାମପଞ୍ଚାୟତ ଅଫିସ ସହ ୪ସ୍ଥାନରେ ଚଢ଼ାଉ କରିଛି ଭିଜିଲାନ୍ସ । ଭଟଲି ବ୍ଲକ କେସେଇପାଲିର ପିଇଓ ହେଉଛନ୍ତି ଉମେଶ ସେଠ । କେଲେଣ୍ଡାପାଲି ପଞ୍ଚାୟତ ଦାୟିତ୍ୱରେ ମଧ୍ୟ ଅଛନ୍ତି ଉମେଶ ସେଠ ।
ସୂଚନା ଅନୁସାରେ, ପୂର୍ବରୁ ଉମେଶ ସେଠ ନାଁରେ ଅଭିଯୋଗ ଥିଲା । ଏବଂ ସେହି ଅଭିଯୋଗକୁ ଆଧାର କରି ସ୍ପେସାଲ ଜଜ୍ ଭିଜିଲାନ୍ସ କୋର୍ଟ ତରଫରୁ ହିଁ ସର୍ଚ୍ଚ ୱାରେଣ୍ଟ ଆସିଥିଲା । ସମ୍ବଲପୁର ଭିଜିଲାନ୍ସ ବିଭାଗ, ବଲାଙ୍ଗୀର ଓ ବରଗଡ଼ ଭିଜିଲାନ୍ସ ବିଭାଗ ତରଫରୁ ମିଳିତ ଚଢାଉ କରାଯାଇଛି । ଏନେଇ ୪ଟିମ ଗଠନ କରାଯାଇ ମିଳିତ ଭାବେ ୪ଟି ସ୍ଥାନରେ ଚଢାଉ ଜାରି ରହିଛି । ଯଦିଓ ଏଯାଏଁ କେତେ ଆୟବହିର୍ଭୁତ ସମ୍ପତ୍ତି ରହିଛି ସେନେଇ କିଛି ସ୍ପଷ୍ଟ ସୂଚନା ମିଳିପାରି ନାହିଁ ।
