କରୋନା ଟିକା ନେଇଥିବା ସ୍ୱାସ୍ଥ୍ୟ କର୍ମୀଙ୍କ ମୃତ୍ୟୁ
ହାଇଦ୍ରାବାଦ: କରୋନା ଟିକା ନେଇଥିବା ତେଲେଙ୍ଗାନାର ୪୨ବର୍ଷୀୟ ସ୍ୱାସ୍ଥ୍ୟକର୍ମୀଙ୍କ ମୃତ୍ୟୁ ହେଇଛି। ମଙ୍ଗଳବାର କରୋନା ଟିକା ନେବା ପରେ ଛାତିରେ ଯନ୍ତ୍ରଣା ଅନୁଭବ କରିବା ପରେ ଆଜି ସକାଳେ ତାଙ୍କର ମୃତ୍ୟୁ ଘଟିଛି।
ସୂଚନା ଅନୁଯାୟୀ, ତେଲେଙ୍ଗାନାର ନିର୍ମଳ ଜିଲ୍ଲା କୁନ୍ତଳା ପ୍ରାଥମିକ ସ୍ୱାସ୍ଥ୍ୟ କେନ୍ଦ୍ରରେ ଏହି ବ୍ୟକ୍ତି ଜଣଙ୍କ ଟିକା ନେଇଥିଲେ। ମଙ୍ଗଳବାର ଦିନ ୧୧.୩୦ରେ ତାଙ୍କୁ ଟିକା ଦିଆଯାଇଥିଲା। ଟିକା ନେବା ପରେ ସେ ସଂପୂର୍ଣ୍ଣ ସୁସ୍ଥ ରହିଥିଲେ। କିନ୍ତୁ ଜାନୁଆରୀ ୨୦ ତାରିଖ ଭୋର ୨.୩୦ ମିନିଟ୍ରେ ତାଙ୍କ ଛାତିରେ ଯନ୍ତ୍ରଣା ହୋଇଥିଲା। ପରେ ତାଙ୍କୁ ଡାକ୍ତରଖାନା ଭର୍ତ୍ତି କରାଯାଇଥିଲା ଯେଉଁଠି ଡାକ୍ତର ତାଙ୍କୁ ମୃତ ଘୋଷଣା କରିଥିଲେ।
ରାଜ୍ୟ ସ୍ୱାସ୍ଥ୍ୟ ନିର୍ଦ୍ଦେଶକ ଜି ଶ୍ରୀନିବାସ ରାଓଙ୍କ ଦ୍ୱାରା ଜାରି କରାଯାଇଥିବା ପ୍ରେସରିଲିଜ୍ ରେ କୁହାଯାଇଛି ଯେ ୪୨ ବର୍ଷୀୟ ସ୍ୱାସ୍ଥ୍ୟକର୍ମୀଙ୍କୁ ଜିଲ୍ଲା ଡାକ୍ତରଖାନାକୁ ଅଣାଯିବା ବେଳକୁ ତାଙ୍କର ମୃତ୍ୟୁ ଘଟିସାରିଥିଲା। କରୋନା ଟିକାରୁ ତାଙ୍କ ମୃତ୍ୟୁ ଘଟିନଥିବା ପ୍ରାଥମିକ ଆକଳନରୁ ଜଣାପଡ଼ିଛି। ତଥାପି ଗାଇଡଲାଇନ ଅନୁଯାୟୀ, ଗୋଟିଏ ଡାକ୍ତାରୀ ଟିମ୍ ତାଙ୍କ ଶବ ବ୍ୟବଚ୍ଛେଦ କରିବେ। ଏହାପରେ ଜିଲ୍ଲା ଏଇଏଫଆଇ ରିପୋର୍ଟକୁ ସମୀକ୍ଷା କରି ରାଜ୍ୟ ଏଇଏଫଆଇ କମିଟି ନିକଟକୁ ଏହା ପଠାଇବ। ପରେ ରାଜ୍ୟ ଏଇଏଫଆଇ ଏହି ରିପୋର୍ଟକୁ କମିଟି କେନ୍ଦ୍ରୀୟ ଏଇଏଫଆଇକୁ ପଠେଇବ।
