‘ଜୋ ବିଡେନ୍ଙ୍କୁ ଶୁଭେଚ୍ଛା ଜଣାଇଲେ, ନିଜର କାର୍ଯ୍ୟକାଳର ପ୍ରଶଂସା କଲେ’
ଗୋଟିଏ ପଟେ ଆମେରିକାର ନୂଆ ବସ୍ ଭାବେ ଜୋ ବିଡେନ୍ ଶପଥ ନେଇଥିବା ବେଳେ ଅନ୍ୟପଟେ ପୂର୍ବତନ ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ବିଦାୟ ନେଇଛନ୍ତି । ନିଜ କାର୍ଯ୍ୟକାଳର ଶେଷ ଦିନରେ ନବ ନିର୍ବାଚିତ ରାଷ୍ଟ୍ରପତି ଜୋ ବିଡେନଙ୍କୁ ଶୁଭେଚ୍ଛା ଜଣାଇଛନ୍ତି ଟ୍ରମ୍ପ ।
ଏହି ବାର୍ତ୍ତାରେ ଟ୍ରମ୍ପ ନିଜ ସମୟର ରାଷ୍ଟ୍ରପତି କାର୍ଯ୍ୟକାଳକୁ ବେଶ ପ୍ରଶଂସା କରିଛନ୍ତି । ନୂଆ ସରକାରକୁ ଅଭିନନ୍ଦନ ଜଣାଇ ଟ୍ରମ୍ପ କହିଛନ୍ତି, ଏବେ ଆମକୁ ନୂଆ ସରକାର ମିଳିବାକୁ ଯାଉଛି । ଆମେ ବିଡ଼େନ ସରକାରଙ୍କ ସଫଳତା କାମନା କରୁଛୁ ଏବଂ ଚାହୁଁଛୁ ସେମାନେ ଆମେରିକାକୁ ସୁରକ୍ଷିତ ଓ ସମୃଦ୍ଧ ରଖନ୍ତୁ । କିନ୍ତୁ ଆମେ ଯେଉଁ ଆନ୍ଦୋଳନ ଆରମ୍ଭ କରିଥିଲୁ ତାହା ଜାରି ରହିବ ବୋଲି ନିଜ ବକ୍ତବ୍ୟରେ କହିଥିଲେ ଟ୍ରମ୍ପ ।
ସେହିପରି କ୍ୟାପିଟୋଲ୍ ହଲରେ ନିଜ ସମର୍ଥକଙ୍କ ଦ୍ୱାରା ହୋଇଥିବା ହିଂସାକୁ ଟ୍ରମ୍ପ ନିନ୍ଦା କରିଛନ୍ତି । ରାଜନୈତିକ ହିଂସାକୁ କେବେ ବି ଗ୍ରହଣ କରାଯିବ ନାହିଁ । ଟ୍ରମ୍ପ ମଧ୍ୟ ନିଜ ସରକାରର ଉପଲବ୍ଧି ଉପରେ ଚର୍ଚ୍ଚା କରି କହିଛନ୍ତି, ଆମେ ଗର୍ବିତ ଯେ ଦଶନ୍ଧିରେ ଏଭଳି ଜଣେ ରାଷ୍ଟ୍ରପତି ନିର୍ବାଚିତ ହୋଇଥିଲେ, ଯିଏ କେବେ ବି ଯୁଦ୍ଧର ଶୁଭାରମ୍ଭ କରିନାହାନ୍ତି ।
