ବଲାଙ୍ଗୀର: ଆଜି ପ୍ରସିଦ୍ଧ ଶୁଲିଆ ଯାତ୍ରା। ବଲାଙ୍ଗୀର ଦେଓଗାଁ ବ୍ଲକ କୁଳିତାପଡ଼ା ପଂଚାୟତର ଖଇରଗୁଡ଼ାର ବଡ଼ଖଳା ଓ କୁମୁରିଆର ସାନଖଳାରେ ପଡ଼ିବ ବଳି। ଏଥିପାଇଁ ଶେଷ ହୋଇଛି ସମସ୍ତ ପ୍ରସ୍ତୁତି। ଚଳିତ ବର୍ଷ କୋଭିଡ କଟକଣା ଭିତରେ ଶୁଲିଆ ଯାତ୍ରାରେ ବଳି ପଡିବ। ବଳିପ୍ରଥା ବନ୍ଦ କରିବା ପାଇଁ ଜିଲ୍ଲା ପ୍ରଶାସନ ବୈଠକରେ ଅନୁରୋଧ କରିଥିଲେ ହେଲେ ବଳି ନେଇ ନିଜ ଜିଦରେ ଅଟଳ ରହିଛି କମିଟି।
ଆଦିବାସୀ ପରମ୍ପରା ଓ ରୀତିନୀତି ଅନୁସାରେ ବଳି ପଡିବ ମାନସିକଧାରୀ ମାନେ ଶୁଲିଆ ପୀଠରେ ବଳି ଚଢାଇପାରିବେ ବୋଲି ଆଞ୍ଚଳିକ ଶୁଲିଆ ଯାତ୍ରା କମିଟି ସଭାପତି ମୟ ପ୍ରଧାନୀ କହିଛନ୍ତି। ପୋଲିସ ପ୍ରଶାସନ ତରଫରୁ ଯାତ୍ରା ସ୍ଥଳରେ କଡା ସୁରକ୍ଷା ବ୍ୟବସ୍ଥା ଗ୍ରହଣ କରାଯାଇଛି। ଜଣେ ମାଜିଷ୍ଟ୍ରେଟ ଓ ବରିଷ୍ଠ ପୋଲିସ ଅଧିକାରୀଙ୍କ ସମେତ ଦୁଇ ପ୍ଲାଟୁନ ପୋଲିସ ଫୋର୍ସ ମୁତୟନ ଅଛନ୍ତି ।
