ଭବ୍ୟ ରାମ ମନ୍ଦିର ନିର୍ମାଣ ପାଇଁ ଅର୍ଥ ଦାନକଲେ ଦିଗବିଜୟ
ଲକ୍ଷ୍ନୌ: ନିର୍ମାଣ ହେଉଛି ଭବ୍ୟ ରାମମନ୍ଦିର । ଗାଁ ଗାଁ ରେ ଚାଲିଛି ପାଣ୍ଠି ସଂଗ୍ରହ ପକ୍ରିୟା । ଶ୍ରୀରାମ ଜନ୍ମଭୂମି ତୀର୍ଥକ୍ଷେତ୍ର ଟ୍ରଷ୍ଟ ପକ୍ଷରୁ ସମଗ୍ର ଜାରି ରହିଛି ଏହି କାର୍ଯ୍ୟ । ଆଉ ଏହି ପାଣ୍ଠି ପ୍ରଦାନ ଅଭିଯାନରେ ସାମିଲ ହୋଇଛନ୍ତି ବରିଷ୍ଠ କଂଗ୍ରେସ ନେତା ଦିଗବିଜୟ ସିଂ । ଅଯୋଧ୍ୟାରେ ଶ୍ରୀରାମଙ୍କ ମନ୍ଦିର ନିର୍ମାଣ ପାଇଁ ଦିଗବିଜୟ ସିଂ ଦାନ କରିଛନ୍ତି ୧, ୧୧, ୧୧୧ ଟଙ୍କା ।
ସୁପ୍ରିମକୋର୍ଟ ଦଶନ୍ଧୀର ବିବାଦରେ ପୂର୍ଣ୍ଣଛେଦ ପକାଇଥିଲେ । ଏହା ପରେ ଆରମ୍ଭ ହୋଇଛି ଶ୍ରୀରାମଙ୍କ ମନ୍ଦିର ନିର୍ମାଣ କାର୍ଯ୍ୟ । ବର୍ତ୍ତମାନ ସମଗ୍ର ଦେଶରେ ଶ୍ରୀ ରାମ ଜନ୍ମ ଭୂମି ତୀର୍ଥ କ୍ଷେତ୍ର ଟ୍ରଷ୍ଟ ପକ୍ଷରୁ ପାଣ୍ଠି ସଂଗ୍ରହ ଅଭିଯାନ ଆରମ୍ଭ ହୋଇଛି। ଜାନୁଆରୀ ୧୫ରୁ ଆରମ୍ଭ ହୋଇ ଏହି ପାଣ୍ଠି ସଂଗ୍ରହ ପକ୍ରିୟା ଫେବୃଆରୀ ୨୭ ଯାଏଁ ଚାଲିବ।
