ହୀନ ରାଜନୀତି ପାଇଁ ବିଭ୍ରାନ୍ତ କରୁଛି ବିଜେପି, ଅଭିଯୋଗର ନାହିଁ ବାସ୍ତବତା: ବିଜେଡି

ଭୁବନେଶ୍ୱର: ନୟାଗଡ଼ ଯଦୁପୁରୁ ପରୀ ମୃତ୍ୟୁ ମାମଲାକୁ ନେଇ ବିଜେପି ରାଜନୀତି କରୁଥିବା ବେଳେ ବିଜେଡି ରଖିଛି ପ୍ରତିକ୍ରିୟା । ବିଜେଡି ମୁଖପାତ୍ର ଲେନିନ୍ ମହାନ୍ତି କହିଛନ୍ତି- ଘଟଣାର ଅନୁଧ୍ୟାନ ପାଇଁ ବିଧାନସଭାରେ ରାଜ୍ୟ ସରକାର, କୋର୍ଟ ମନିଟରରେ SIT ପାଇଁ କହିଥିଲେ । ହାଇକୋର୍ଟଙ୍କୁ ଅବଗତ କରିବା ସହିତ ଏନେଇ ଚିଠି ପ୍ରଦାନ କରାଯାଇଛି । ମୁଖ୍ୟ କଥା ହେଲା SIT ତଦନ୍ତରେ ହାଇକୋର୍ଟ ସନ୍ତୁଷ୍ଟ ଅଛନ୍ତି । ବାସ୍ତବରେ ପ୍ରସଙ୍ଗ ବିହୀନ ବିଜେପି ତଥ୍ୟ ନଥାଇ ଏଭଳି ହୀନ ରାଜନୀତି କରୁଛି । ରାଜ୍ୟର ଲୋକମାନେ ଏ ନେଇ ଅବଗତ ଅଛନ୍ତି ।

ତେଣୁ ବିଜେପି ଅଭିଯୋଗର ବାସ୍ତବତା ନାହିଁ । ପରୀ ପ୍ରସଙ୍ଗରେ ବିଜେପି ନିକଟରେ କୌଣସି ତଥ୍ୟ ନାହିଁ । ତଦନ୍ତ ପ୍ରକ୍ରିୟାରେ ବିଜେପି ସମ୍ପୂର୍ଣ୍ଣ ଅଜ୍ଞ । ହୀନ ରାଜନୀତି ପାଇଁ ବିଜେପି ଏଭଳି ବିଭ୍ରାନ୍ତ କଲା ଭଳି କଥା କହୁଛି । ବିଜେପି ଏହି ପ୍ରସଙ୍ଗରେ ରାଜନୀତି କରିବାକୁ ପଛାଉ ନାହିଁ ବୋଲି ଲେନିନ୍ କହିଛନ୍ତି । ଏହି ମାମଲାରେ ଏସଆଇଟି ପରୀର ପଡ଼ୋଶୀ ସରୋଜ ସେଠୀଙ୍କୁ ଗିରଫ କରିଛି ।