କାମାକ୍ଷାନଗର: କାମାକ୍ଷାନଗର ପଶ୍ଚିମାଞ୍ଚଳ ରେଞ୍ଜ କନ୍ତିଓ କାଟେଣୀ ଗାଁରେ ହାତୀ ଉତ୍ପାତ। ହାତୀ ଆକ୍ରମଣରେ ଜଣଙ୍କ ମୃତ୍ୟୁ ହୋଇଥିବା ବେଳେ ଜଣେ ଗୁରୁତର ଆହତ ହୋଇଛନ୍ତି। ମୃତକ କାନ୍ତିଓ କାଟେଣୀର ଭୁବନା ବେହେରା ହୋଇଥିବା ବେଳେ ଯଦୁ ସାହୁ ଗୁରୁତର ହୋଇଛନ୍ତି। ମୃତକ ଭୁବନା ପାଖ ଜଙ୍ଗଲକୁ ଯାଉଥିବା ବେଳେ ଦଳିଦେଲା ହାତୀ। ଗୁରୁତର ଯଦୁ ସକାଳୁ ନିଜ ବିଲକୁ ଯାଉଥିବା ବେଳେ ହାତୀ ଆକ୍ରମଣ କରିଥିଲା।
ହାତୀଟି ତାଙ୍କୁ ଶୁଣ୍ଢ ରେ ଟେକି କଚାଡି ଦେବା ଫଳରେ ସେ ଗୁରୁତର ହୋଇଥିବା ବେଳେ ସୌଭାଗ୍ୟବଶତଃ ବଞ୍ଚି ଯାଇଥିଲେ। ଖବର ପାଇ ସ୍ଥାନୀୟ ଲୋକ ଯଦୁଙ୍କୁ ତୁରନ୍ତ ସ୍ଥାନୀୟ ଅଁଳାବେରେଣୀ ମେଡିକାଲରେ ଭର୍ତି କରାଇଥିଲେ। ସେଠାରେ ସ୍ୱାସ୍ଥ୍ୟବସ୍ଥା ଜଟିଳ ହେବାରୁ ଡାକ୍ତର ତାଙ୍କୁ ଢେଙ୍କାନାଳ ଜିଲ୍ଲା ମୁଖ୍ୟ ଚିକିତ୍ସାଳୟକୁ ସ୍ଥାନାନ୍ତର କରିଛନ୍ତି।
