ଜାନୁଆରି ୧ରୁ ଏହିସବୁ ଫୋନରେ ବନ୍ଦ ହୋଇଯିବ ହ୍ୱାଟ୍ସଆପ୍

ଆଉ ମାତ୍ର କିଛି ସମୟ ବାକି ରହିଲା ନୂଆ ବର୍ଷକୁ । ଏହାପରେ ଆପଣଙ୍କ କ୍ୟାଲେଣ୍ଡର ୨୦୨୦ରୁ ୨୦୨୧କୁ ବଦଳିଯିବ। କିନ୍ତୁ କିଛି ବ୍ୟକ୍ତିଙ୍କ ପାଇଁ ଏହି ନବବର୍ଷ ନେଇଆସିଛି ଖରାପ ଖବର। ଆସନ୍ତା କାଲିଠୁ ଆପଣ Android 4.3.0 ଓ iOS 9ର ତଳ ଭର୍ଜନ ସ୍ମାର୍ଟଫୋନଗୁଡ଼ିକରେ ଆଉ ହ୍ୱାଟ୍ସଆପ୍‌ ବ୍ୟବହାର କରିପାରିବେ ନାହିଁ। ଯଦି ଆପଣ ବି ଏହି ଭର୍ଜନର ହ୍ୱାଟ୍ସଆପ ବ୍ୟବହାର କରୁଛନ୍ତି ତେବେ ତୁରନ୍ତ ଅପଗ୍ରେଡ କରାନ୍ତୁ।

ଏହି ସବୁ ଫୋନରେ ହ୍ୱାଟ୍ସଆପ କରିବନି କାମ:

ଆପଲ୍ କମ୍ପାନୀର के iPhone 4, iPhone 4S, iPhone 5, iPhone 5S, iPhone 6, ଓ iPhone 6Sକୁ iOS 9କୁ ଅପଡେଟ୍ କରିବାକୁ ପଡ଼ିବ । ନଚେତ ଏଥିରେ ହ୍ୱାଟ୍ସଆପ କାମ କରିବା ବନ୍ଦ ହୋଇଯିବ। ସେହିଭଳି ଯଦି ଆଣ୍ଡ୍ରଏଡ ଫୋନ୍ କଥା କହିବା ତେବେ Android 4.0.3 ଭର୍ଜନ ଥିବା ଫୋନ୍ଗୁଡ଼ିକ ଯେମିତିକି HTC Desire, LG Optimus Black, Motorola Droid Razr, Samsung Galaxy S2 ଆଦି ଫୋନଗୁଡ଼ିକରେ ଆସନ୍ତା କାଲିଠୁ ହ୍ୱାଟ୍ସଆପ କାମ କରିବ ନାହିଁ।

ପୂରୁଣା ଭର୍ଜନଗୁଡ଼ିକରେ ହ୍ୱାଟ୍ସଆପ୍‌  ବନ୍ଦ ହେବାର କାରଣ- ଏଥିରେ ହ୍ୱାଟ୍ସଆପ୍‌ର ନୂଆ ଫିଚର୍‌ଗୁଡ଼ିକ କାମ କରୁନାହିଁ। ହ୍ୱାଟ୍ସଆପ୍‌ରେ ଲଗାତାର ନୂଆ ନୂଆ ଫିଚର ଆସୁଛି, କିନ୍ତୁ ପୂରୁଣା ମୋବାଇଲ୍‌ ଅପରେଟିଂ ସିଷ୍ଟମ ଯୋଗୁ ଏଗୁଡ଼ିକ କାମ କରୁନାହିଁ। ତେଣୁ ଆପଣ ବି ନିଜ ଫୋନ୍‌ର ଅପରେଟିଂ ସିଷ୍ଟମକୁ ଅପ୍‌ଗ୍ରେଡ୍ କରିଦିଅନ୍ତୁ। ନହେଲେ ଆପଣଙ୍କ ହ୍ୱାଟ୍ସଆପ୍‌ ବନ୍ଦ ହୋଇଯିବ।

ଆପଣଙ୍କ ଫୋନ୍ କେଉଁ ଅପରେଟିଂ ସିଷ୍ଟମ୍ କାମ କରେ କିପରି ଜାଣିବେ:

• ଯଦି ଆପଣ ଜଣେ ଆଇଫୋନ୍ ବ୍ୟବହାରକାରୀ, ତେବେ ପ୍ରଥମେ Settingsକୁ ଯାଆନ୍ତୁ।
• ତା’ପରେ General ଉପରେ ଟ୍ୟାପ୍ କରନ୍ତୁ।
• Informationକୁ ଯାଇ, ଆପଣ ନିଜର ଆଇଫୋନର ସଫ୍ଟୱେର୍ ବିବରଣୀ ପାଇପାରିବେ।

ଆଣ୍ଡ୍ରଏଡ୍ ବ୍ୟବହାରକାରୀ କିପରି ପାଇବେ ନିଜ ଫୋନର ଅପରେଟିଂ ସିଷ୍ଟମ୍:

• ଆଣ୍ଡ୍ରଏଡ୍ ବ୍ୟବହାରକାରୀ ପ୍ରଥମେ Settingsକୁ ଯାଆନ୍ତୁ।
• ଏଠାରେ About Phoneରେ ଯାଇ ଉପଭୋକ୍ତା ନିଜ ଫୋନର ଅପରେଟିଂ ସିଷ୍ଟମ୍ ବିଷୟରେ ଜାଣିପାରିବେ।
• ଯଦି ଆପଣଙ୍କ ପାଖରେର ଫୋନ୍ ଅପଡେଟ୍ କରିବାର ବିକଳ୍ପ ଅଛି, ତେବେ ତୁରନ୍ତ କରନ୍ତୁ।
• ଯେଉଁ ଉପଭୋକ୍ତାଙ୍କର ଫୋନ୍ ଅପଡେଟ୍ କରିବାର ବିକଳ୍ପ ନାହିଁ, ସେମାନଙ୍କୁ ହ୍ୱାଟ୍ସଆପ୍ ବ୍ୟବହାର କରିବା ପାଇଁ ନୂଆ ଫୋନ୍ କିଣିବାକୁ ପଡ଼ିବ।