ଡି-ବ୍ରଦର୍ସଙ୍କ ଘରେ ସର୍ଚ୍ଚ ଅପରେସନ୍: ୧୦୫୫ଗୁଳି ଓ ୭ଟି ବନ୍ଧୁକ ଜବତ

କଟକ: ଖୋଲୁଛି ଡି-ସାମ୍ରାଜ୍ୟର ଗୁମର  । ଆଜି ପୁଣି ଡି’ବ୍ରଦର୍ସଙ୍କ ଘରେ ସର୍ଚ୍ଚ ଅପରେସନ୍ ହୋଇଛି । ସୁଶୀଲ ଧଳସାମନ୍ତ ଘରେ ସୁଶୀଲକୁ ନେଇ ସର୍ଚ୍ଚ ଅପରେସନ କରୁଛି  । ସିଡିଏ ବାସଭବନକୁ ଆଣି ପଚରାଉଚରା କରାୟାଉଥିବା ସୂଚନା ମିଳିଛି । ରିମାଣ୍ଡରେ ଆଣି ଧଳସାମନ୍ତ ବ୍ରଦର୍ସଙ୍କୁ ଜେରା କରୁଛି କମିଶନରେଟ ପୋଲିସ  । ଆଜି ରିମାଣ୍ଡର ତୃତୀୟ ଦିନ ଥିବାବେଳେ ଅନେକ ଗୁରୁତ୍ବପୂର୍ଣ୍ଣ ତଥ୍ୟ ହାସଲ କରିଛି ପୋଲିସ  । ଗତକାଲି ଧଳ ବ୍ରଦର୍ସଙ୍କ ସିକ୍ରେଟ୍ ଚାମ୍ବରରୁ ବାହାରିଥିଲା ବନ୍ଧୁକ ଓ ଗୁଳି  ।

ଏଥି ସହ ଲକ୍ଷାଧିକ ଟଙ୍କା ପୋଲିସ ଜବତ କରିଥିଲା । କଟକ ସିଡିଏ ସ୍ଥିତ ଡି.ଏସ ହାଉସରେ ବସାଇ ପ୍ରଥମେ ବଡ଼ଭାଇ ସୁଶାନ୍ତ ଧଳସାମନ୍ତ ଓ ପରେ ସାନଭାଇ ସୁଶୀଲ ଧଳସାମନ୍ତଙ୍କୁ ପୃଥକ ପୃଥକ ଭାବେ ପଚରାଉଚରା କରିଛି କମିଶନରେଟ୍ ପୋଲିସ୍ । ଘରେ ଥିବା ସିକ୍ରେଟ୍ ଚାମ୍ବରରେ ଧଳ ବ୍ରଦର୍ସଙ୍କୁ ବସାଇ ଛାନଭିନ କରିଛି ପୋଲିସ୍ । ପ୍ରଥମେ ଘରର ସୋ -କେସ୍ ଓ ଇଣ୍ଟେରିୟର ମଧ୍ୟରୁ ୧୦୫୫ ଗୁଳି ଓ ୭ ଟି ବନ୍ଧୁକ ମିଳିଥିଲା  ।  ବନ୍ଧୁକ ଓ ଗୁଳି କାରବାର ଲିଙ୍କରେ ଡି-ବ୍ରଦର୍ସଙ୍କୁ ରିମାଣ୍ଡରେ ଆଣି ଖୋଳତାଡ଼ କରୁଛି ପୋଲିସ  ।