ପୁଣି ବିବାଦରେ ଅର୍ଣ୍ଣବ ଗୋସ୍ୱାମୀ: ବ୍ରିଟିଶ ବ୍ରଡକାଷ୍ଟ ରେଗୁଲେଟର ଲଗାଇଲା ୨୦ ହଜାର ପାଉଣ୍ଡର ଜରିମାନା
1 min read
ନୂଆଦିଲ୍ଲୀ: ରିପବ୍ଳିକ୍ ଭାରତ ଟିଭି ଉପରେ ୧୯.୭୩ ଲକ୍ଷ (୨୦ ହଜାର ପାଉଣ୍ଡ) ଜରିମାନା ଲଗାଇଛି ବ୍ରିଟିଶ ବ୍ରଡକାଷ୍ଟ ରେଗୁଲେଟର । ଏକ ନିର୍ଦ୍ଧିଷ୍ଟ ବର୍ଗର ଏବଂ ଧର୍ମର ଲୋକଙ୍କ ଉଦ୍ଦେଶ୍ୟରେ ହେଟ୍ ସ୍ପିଚ୍ (ଘୃଣା ଭାଷା), ଅପମାନ ସୂଚକ ଶଦ୍ଧର ପ୍ରୟୋଗ କରାଯାଉଥିବାରୁ ଏହି ଜରିମାନା ଲଗାଯାଇଛି । ରିପବ୍ଲିକ୍ ଟିଭି ହିନ୍ଦୀ ଚ୍ୟାନେଲକୁ ଏ ନେଇ ଟେଲିଭିଜନ ଜରିଆରେ କ୍ଷମା ପ୍ରାର୍ଥନା କରିବାକୁ ମଧ୍ୟ କୁହାଯାଇଛି ।
ବ୍ରିଟିଶ ରେଗୁଲେଟର ପକ୍ଷରୁ ଜାରି ରିଲିଜରେ ଅଧିକାରୀଙ୍କ ପକ୍ଷରୁ କୁହାଯାଇଛି ଯେ, ସେପ୍ଟେମ୍ୱର ୬, ୨୦୧୯ରେ ‘ପୁଛତା ହେ ଭାରତ’ କାର୍ଯ୍ୟକ୍ରମରେ ରିପବ୍ଲିକ୍ ଟିଭି ଏଡିଟର ଅର୍ଣ୍ଣବ ଗୋସ୍ୱାମୀ ଏବଂ ଏହି କାର୍ଯ୍ୟକ୍ରମରେ ଅଂଶ ଗ୍ରହଣ କରିଥିବା କିଛି ଗେଷ୍ଟ ବ୍ରଡକାଷ୍ଟ ନିୟମ ଉଲ୍ଲଂଘନ କରିଥିବା କୁହାଯାଇଛି । ଏ ନେଇ ଓ୍ୱାର୍ଲ୍ଡ ମିଡିଆ ନେଟଓ୍ୱର୍କ ଲିମିଟେଡ୍ ବିରୋଧରେ ଏହି ଜରିମାନା ଲାଗୁ କରାଯାଇଛି । ଏହି କମ୍ପାନୀ ନିକଟରେ U.Kରେ ରପବ୍ଳିକ୍ ଟିଭିର ଟେଲିକାଷ୍ଟ ନେଇ ଲାଇସେନ୍ସ ରହିଛି ।
