୨୦୨୧-୨୨ ଆର୍ଥିକ ବର୍ଷର ବଜେଟ୍ ପ୍ରସ୍ତୁତି, ଲୋକଙ୍କ ମତାମତ ଲୋଡ଼ିଲା ଅର୍ଥ ବିଭାଗ

ଭୁବନେଶ୍ୱର: ଆରମ୍ଭ ହେଲା ୨୦୨୧-୨୨ ଆର୍ଥିକ ବର୍ଷ ପାଇଁ ବଜେଟ୍ ପ୍ରସ୍ତୁତି । ବିଭିନ୍ନ ବର୍ଗର ଲୋକଙ୍କଠାରୁ ମତାମତ ମାଗିଛି ରାଜ୍ୟ ଅର୍ଥ ବିଭାଗ । ୨୦୨୧- ୨୨ ଆର୍ଥିକ ବର୍ଷର ବଜେଟ୍‌ ପାଇଁ ଅର୍ଥ ବିଭାଗ ଏକ ନିର୍ଦ୍ଦିଷ୍ଟ ଢାଞ୍ଚାରେ ଲୋକଙ୍କଠାରୁ ପରାମର୍ଶ ମାଗିଛି । ଯାହାକି ୱେବ୍‌ ପୋର୍ଟାଲ, odisha.gov.in, budget.in ଏବଂ odisha.inରେ ଉପଲବ୍ଧ । ସେହିପରି ବଜେଟ୍‌ ସଂକ୍ରାନ୍ତ ମତାମତ ହ୍ୱାଟ୍‌ସଆପ୍‌, ଇମେଲ୍‌ ମାଧ୍ୟମରେ ମଧ୍ୟ ସାଧାରଣ ଲୋକ ପଠାଇ ପାରିବେ । ମଙ୍ଗଳବାରଠାରୁ ଜାନୁଆରୀ ୨୧ ତାରିଖ ପର୍ଯ୍ୟନ୍ତ ମତାମତ ପଠାଇ ହେବ ।

ତେବେ ଗତ ବର୍ଷ ମଧ୍ୟ ଅର୍ଥ ବିଭାଗ ପକ୍ଷରୁ ଲୋକଙ୍କ ମତାମତ ଗ୍ରହଣ କରାଯାଇଥିଲା । ରାଜ୍ୟବାସୀଙ୍କ ମତାମତ ଓ ପରାମର୍ଶ ଅନୁଯାୟୀ ବଜେଟ୍‌ ପ୍ରସ୍ତୁତ କରିଥିଲା ଅର୍ଥ ବିଭାଗ । ରାଜ୍ୟବାସୀ ମଧ୍ୟ ସରକାରଙ୍କ ଏଭଳି ବ୍ୟବସ୍ଥାକୁ ସ୍ୱାଗତ କରିଥିଲେ ।