‘ଅବଢ଼ା’ ଯୋଜନାରେ ନିର୍ମାଣ ହେବ ଧର୍ମଶାଳା: ସ୍ୱଳ୍ପ ଖର୍ଚ୍ଚରେ ଭକ୍ତଙ୍କ ପାଇଁ ରହଣୀ ଓ ଖାଦ୍ୟ ବ୍ୟବସ୍ଥା

ପୁରୀ: ଏଣିକି ମାତ୍ର ୧୦୦ ରୁ ୧୫୦ ଟଙ୍କା ମଧ୍ୟରେ ପୁରୀରେ ରହଣୀର ସୁବିଧା ପାଇପାରିବେ ଶ୍ରଦ୍ଧାଳୁ । ଏହି ସ୍ୱଳ୍ପ ଦେୟ ମଧ୍ୟରେ ସେମାନଙ୍କ ରହଣୀ ସହ ଖାଦ୍ୟର ସୁବିଧା ମଧ୍ୟ ଯୋଗାଇ ଦିଆଯିବ । ରାଜ୍ୟ ସରକାରଙ୍କ ‘ଅବଢ଼ା’ ଯୋଜନା ଅନୁଯାୟୀ ପୁରୀକୁ ଆସୁଥିବା ଭକ୍ତଙ୍କ ପାଇଁ ଏଭଳି ବ୍ୟବସ୍ଥା କରାଯାଉଛି । ଏ ନେଇ ୯ରୁ ୧୦ ଏକର ଜମି ମଧ୍ୟ ଚିହ୍ନଟ ହୋଇଛି, ଯେଉଁଠାରେ ଧର୍ମଶାଳାର ନିର୍ମାଣ କରାଯିବ ବୋଲି  ଗଣମାଧ୍ୟମକୁ ସୂଚନା ଦେଇ କହିଛନ୍ତି ଶ୍ରୀମନ୍ଦିର ମୁଖ୍ୟ ପ୍ରଶାସକ ଡ. କ୍ରିଷନ କୁମାର ।  ଅବଢ଼ା ଯୋଜନାରେ ଶ୍ରୀମନ୍ଦିର ସୁନ୍ଦରୀକରଣ, ମଲ୍ଟିପଲ୍ ପାର୍କିଂ ବ୍ୟବସ୍ଥା, ଶ୍ରୀସେତୁ ସମେତ ଅନ୍ୟାନ୍ୟ ଉନ୍ନତୀମୂଳକ କାର୍ଯ୍ୟ କରାଯାଇଥିବା ବେଳେ ଭକ୍ତଙ୍କ ପାଇଁ ରହଣୀର ବ୍ୟବସ୍ଥା ମଧ୍ୟ କରାଯାଇଛି ।

ଏଥିସହିତ ପଢ଼ନ୍ତୁ: ମାଙ୍ଗଳିକ କାର୍ଯ୍ୟରେ କାହିଁକି ହାତରେ ବାନ୍ଧନ୍ତି ଡୋର, କେଉଁ ରାଶି ବ୍ୟକ୍ତିଙ୍କୁ ଏହା ଦେଇଥାଏ ଶୁଭଫଳ

ଜେଲ୍ ରୋଡ୍ ଓ ଜଗନ୍ନାଥ ବଲ୍ଲଭ ମଠରେ ପାର୍କିଂ କାମ ଆରମ୍ଭ ହୋଇଥିବା ବେଳେ ଶ୍ରୀମନ୍ଦିର ସୁରକ୍ଷା ଜୋନ୍ ଚାରିପାଖରେ ୨୦ ମିଟର ରାସ୍ତା ନିର୍ମାଣ କରାଯିବ  । ଆସନ୍ତା ଫେବ୍ରୁଆରୀ ମାସରେ ରାସ୍ତା କାମ ଆରମ୍ଭ ହେବ  । ଅବଢ଼ା ଯୋଜନାରେ ଏହି ସବୁ କାମ ଆରମ୍ଭ ହେବ ବୋଲି ସୂଚନା ମିଳିଛି  ।