ହାଥ୍ରସ୍ ଗଣଦୁଷ୍କର୍ମ ଓ ହତ୍ୟା ମାମଲା: ୪ ଅଭିଯୁକ୍ତଙ୍କ ନାଁରେ ଚାର୍ଜସିଟ୍ ଫାଇଲ୍ କଲା ସିବିଆଇ
1 min read
ନୂଆଦିଲ୍ଲୀ: ହାଥ୍ରସ୍ ଗଣଦୁଷ୍କର୍ମ ମାମଲାରେ ୪ ଜଣଙ୍କ ନାଁରେ ଚାର୍ଜସିଟ୍ ଫାଇଲ୍ କରିଛି କେନ୍ଦ୍ରୀୟ ତଦନ୍ତକାରୀ ବ୍ୟୁରୋ (ସିବିଆଇ) । ତଦନ୍ତକାରୀ ସଂସ୍ଥା ଗଣଦୁଷ୍କର୍ମ ଓ ହତ୍ୟା ମାମଲାରେ ସନ୍ଦୀପ, ଲବକୁଶ, ରବି ଓ ରାମୁଙ୍କ ନାଁରେ ସିବିଆଇ ଚାର୍ଜସିଟ୍ ଫାଇଲ୍ କରିଥିବା ବେଳେ ଲୋକାଲ କୋର୍ଟ ଏହାକୁ ସଜ୍ଞାନକୁ ନେଇଥିବା ଅଭିଯୁକ୍ତଙ୍କ ଓକିଲ ଗଣମାଧ୍ୟମକୁ ସୂଚନା ଦେଇଛନ୍ତି ।
ସୂଚନା ଯୋଗ୍ୟ ଯେ, ଗତ ସେପ୍ଟମ୍ୱର ୧୪ ତାରିଖରେ ହାଥରସରେ ଜଣେ ଦଳିତ ଯୁବତୀ କିଛି ଉଚ୍ଚ ଜାତିର ଯୁବକଙ୍କ ଦ୍ୱାରା ଦୁଷ୍କର୍ମର ଶିକାର ହୋଇଥିବା ଅଭିଯୋଗ ହୋଇଛି । ଯୁବତୀ ଜଣଙ୍କ ଦିଲ୍ଲୀ ସ୍ଥିତ ସବଦରଜଙ୍ଗ ହସ୍ପିଟାଲରେ ଚିକିତ୍ସାଧିନ ଅବସ୍ଥାରେ ଦେହାନ୍ତ ହୋଇଥିଲା । ତେବେ ଯୁବତୀ ଜଣଙ୍କ ଅନ୍ତ୍ୟେଷ୍ଟି ସେହିଦିନ ରାତିରେ ଅର୍ଥାତ ସେପ୍ଟେମ୍ୱର ୩୦ ତାରିଖରେ କରାଯାଇଥିଲା । ତେବେ ଜୋରଜବରଦସ୍ତ ଏବଂ ତରବରିଆ ଭାବେ ସ୍ଥାନୀୟ ପୋଲିସ ଯୁବତୀଙ୍କ ଅନ୍ତିମସଂସ୍କାର କରିଦେଇଥିବା ପରିବାର ଲୋକେ ଅଭିଯୋଗ କରିଥିଲେ । କିନ୍ତୁ ପରିବାର ଲୋକଙ୍କ ଇଚ୍ଛା ଅନୁଯାୟୀ ଅନ୍ତିମସଂସ୍କାର କରାଯାଇଥିବା ସଫେଇ ଦେଇଥିଲା ପୋଲିସ ।
Hathras Case: ମିଡିଆକୁ କାହିଁକି ଡରୁଥିଲେ ଯୋଗୀ ସରକାର, କଣ ଲୁଚାଇବାକୁ ଚାହୁଁଥିଲେ ?
