ପୋଲିସର ସ୍ପେଶାଲ ଅପରେସନ୍: ବେଶ ବଦଳାଇ ୧୫ ବର୍ଷିୟା ଅପହୃତ ନାବାଳିକାକୁ ଉଦ୍ଧାର କଲେ
ନୂଆଦିଲ୍ଲୀ: ଦିଲ୍ଲୀ ପୋଲିସର ସ୍ୱତନ୍ତ୍ର ଅପରେସନ୍ । ୪୬ ଦିନ ପରେ ୧୫ ବର୍ଷୀୟ ନାବାଳିକାକୁ ଉଦ୍ଧାର କଲା ପୋଲିସ । ଏ ନେଇ ମେଓ୍ୱାତରେ ବେଶ ବଦଳାଇ ୪୬ ଦିନ ଯାଏଁ ସ୍ଥାନୀୟ ଲୋକଙ୍କ ଭଳି ରହିଥିଲେ ୨ ପୋଲିସ କର୍ମଚାରୀ । ଏବଂ ସାଧାରଣ ଲୋକଙ୍କ ବେଶରେ ଛାନଭିନ୍ କରିବା ସହ ଅପହୃତ ନାବାଳିକାକୁ ବଦରପୁରରୁ ଉଦ୍ଧାର କରିଥିଲେ । ଏଥିସହିତ ନାବାଳିକାକୁ ଫୁସଲାଇ ନେଇଯାଇଥିବା ଅଭିଯୁକ୍ତକୁ ପୋଲିସ ଗିରଫ କରିଛି । ପଶ୍ଚିମ ଦିଲ୍ଲୀ ପୋଲିସ ଡିସିପି ଦୀପକ ପୁରୋହିତଙ୍କ ସୂଚନାନୁଯାୟୀ ଗିରଫ ଯୁବକ ଜଣଙ୍କ ହେଉଛନ୍ତି ଦୀପକ ପୁରୋହିତ ।
ଡିସିପି ଦୀପକ ପୁରୋହିତଙ୍କ ସୂଚନା ଅନୁଯାୟୀ ଶୋଏବ ସିହ୍ନା ଏସ୍.କେ ସିହ୍ନା ନାମରେ ଫେସବୁକରେ ଆକାଉଣ୍ଟ ଖୋଲିଥିଲେ । ଏବଂ ସେହି ଫେକ୍ ଆକାଉଣ୍ଟ ଜରିଆରେ ରଜୈରୀ ଗାର୍ଡେନ୍ ଅଞ୍ଚଳରେ ରହୁଥିବା ୧୫ ବର୍ଷୀୟା ଝିଅଙ୍କ ସହ ବନ୍ଧୁତା କରିଥିଲେ । ସମ୍ପର୍କ ନିବିଡ଼ ହେବା ପରେ ଝିଅକୁ ନେଇ ଫେରାର ହୋଇଯାଇଥିଲେ । ପୋଲିସ ଝିଅର ସୋସିଆଲ ମିଡିଆ ଆକାଉଣ୍ଟକୁ ହ୍ୟାକ୍ କରି ଜାଣିବାକୁ ପାଇଥିଲା ଯେ, ସେ ଅଧିକାଂଶ ସମୟରେ ଏସ୍.କେ ସିହ୍ନାଙ୍କ ସହିତ କଥା ହେଉଥିଲେ । ଏବଂ ଅଧିକ ଛାନଭିନ୍ କରିବା ପରେ ପୋଲିସ ଜାଣିବାକୁ ପାଇଥିଲା ଯେ, ଅଭିଯୁକ୍ତର ପ୍ରକୃତ ନାମ ଶୋଏବ ଖାନ୍ ।
ଅଭିଯୁକ୍ତ ଜଣଙ୍କ ମୋବାତ ଅଞ୍ଚଳର ବାସିନ୍ଦା । ଶୋଏବ ୨୩ ଅକ୍ଟୋବରରେ ନାବାଳିକାକୁ ପ୍ରଥମ ବିହାରର ମୁଜାଫରପୁର ନେଇଯାଇଥିଲା । ପରେ ସେଠାରୁ ଆଜମଗଡ଼ ନେଇଯାଇଥିଲା ଏବଂ କିଛି ଦିନ ପରେ ନିଜ ସାଙ୍ଗ ପାଖରେ ଯାଇରହିଥିଲା । ସେଠାରେ ସେ ନାବାଳିକା ସହ ଅପକର୍ମ କରିବା ସହ ତାକୁ ସେଠାରୁ ମୋବାତ ଆଣିଥିଲ ।
ଏତେ ବେଳକୁ ପୋଲିିସ ଶୋଏବଙ୍କ କାରାନାମ ନେଇ ସୂଚନା ପାଇସାରିଥିଲା ଏବା ତାକୁ ଧରିବା ପାଇଁ ଆରମ୍ଭ କରିଥିବା ସ୍ପେଶାଲ ଅପରେସନ । ଯେଉଁଥିରେ ଜଣେ କନେଷ୍ଟବଳଙ୍କ ସହ ଜଣେ ଏସ୍ଆଇ ସାମିଲଥିଲେ । ସେ ସାଧାରଣ ଲୋକଙ୍କ ବେଶରେ ମେଓ୍ୱାତ ଅଞ୍ଚଳରେ ୪୬ ଦିନ ଯାଏଁ ଛାନଭିନ୍ କରିଥିଲେ । ବହୁ ଦିନରେ ପରିଶ୍ରମ ପରେ ଶେଷରେ ସେମାନେ ଡିସେମ୍ୱର ୮ରେ ଅଭିଯୁକ୍ତକୁ ଧରିବାରେ ସଫଳ ହୋଇଥିଲା ।
