ବୈଠକରେ ଏହିସବୁ ପ୍ରସଙ୍ଗ ଉପରେ ହେବ ଆଲୋଚନା

ଭୁବନେଶ୍ୱର: ଆଜି ବସୁଛି ଶ୍ରୀମନ୍ଦିର ଛତିଶା ନିଯୋଗ ବୈଠକ  । ଦିନ ୧୨ଟାରେ ଶ୍ରୀମନ୍ଦିର ମୁଖ୍ୟ ପ୍ରଶାସକଙ୍କ ଅଧକ୍ଷତାରେ  ନୀଳାଦ୍ରି ଭକ୍ତ ନିବାସରେ  ବୈଠକ ଅନୁଷ୍ଠିତ ହେବ । ବୈଠକରେ ମୁଖ୍ୟତଃ ୪ ଟି ପ୍ରସଙ୍ଗ ଉପରେ ଆଲୋଚନା ହେବାର ସମ୍ଭାବନା ରହିଛି । କରୋନା ପାଇଁ ଶ୍ରୀମନ୍ଦିରରେ ଭକ୍ତଙ୍କ ଦର୍ଶନ   ବ୍ୟବସ୍ଥା ବନ୍ଦ ଥିବା ବେଳେ ଆଗକୁ କଟକଣା ହଟାଇବା ନେଇ ବିଶେଷ ଭାବେ ଆଲୋଚନା କରାଯିବ  ।

ଭକ୍ତଙ୍କ ପ୍ରବେଶ ଉପରେ କଟକଣା କିଭଳି କୋହଳ କରାଯିବ ଏହା ସହିତ ସୁବ୍ୟବସ୍ଥା ଭାବରେ ଭକ୍ତଙ୍କୁ ଦର୍ଶନ ପାଇଁ ଛଡ଼ାଯିବ ସେନେଇ ବିଶେଷ ଆଲୋଚନା କରାଯିବ । ଏହାଛଡା ମହାପ୍ରଭୁଙ୍କ ପହିଲି ଭୋଗ  , ମକର ସଂକ୍ରାନ୍ତି ଓ ଦେବଭିଷେକ ପୂର୍ଣ୍ଣିମା ନୀତି ନିର୍ଘଣ୍ଟ କରାଯିବ । ଆଜିର ବୈଠକ ନିଷ୍ପତ୍ତି ଉପରେ ସଭିଙ୍କର ନଜର ରହିଛି  ।