ଚପଲ ଫେରାଇବା ପାଇଁ ସରକାରଙ୍କୁ ଚେତାବନୀ ଦେଲେ ମହିଳା ମାେର୍ଚ୍ଚା ଅଧ୍ୟକ୍ଷା
1 min read
ନୂଆଦିଲ୍ଲୀ: ଗୋଟିଏ ପକ୍ଷେ କୃଷକ ଆନ୍ଦୋଳନ ଜାରି ରହିଛି ଏବଂ ସାରା ଦେଶରେ ଏହାର ପ୍ରଭାବ ନଜର ଆସୁଛି । ନୂଆ କୃଷି ଆଇନକୁ ବିରୋଧ କରି କୃଷି ଆନ୍ଦୋଳନ ଚାଲିଥିବା ବେଳେ ନିକଟରେ ଭାଇରାଲ ହେଉଛି ଏଭଳି ଏକ ଭିଡ଼ିଓ, ଯାହାକୁ ଦେଖିବା ମାତ୍ରେ କେହି ମଧ୍ୟ ଆଶ୍ଚର୍ଯ୍ୟ ହେବା ସ୍ୱାଭାବିକ । ସୋସିଅଲ ମିଡିଆରେ ଉକ୍ତ ଭାଇରାଲ ଭିଡ଼ିଓକୁ ନେଇ ୟୁଜର୍ସଙ୍କ ମଧ୍ୟରେ ଯୁକ୍ତିତର୍କ ମଧ୍ୟ ଆରମ୍ଭ ହୋଇଯାଇଛି ।
Unacceptable…this is clear political vendetta by Modi Govt #गीता_भाटी_का_सैंडल_वापस_करो pic.twitter.com/u9SYYEUPrr
— Rishi Bagree (@rishibagree) December 7, 2020
ଭାଇରାଲ ଭିଡ଼ିଓରେ ଜଣେ ମହିଳା ସରକାରଙ୍କୁ ବିରୋଧ କରୁଥିବାର ଦେଖିବାକୁ ମିଳିଛି । କିନ୍ତୁ ଯାହା ସମସ୍ତଙ୍କ ଧ୍ୟାନ ଆକର୍ଷଣ କରୁଛି ତାହା ହେଉଛି ସରକାରଙ୍କୁ ନେଇ ମହିଳାଙ୍କ ଅଭିଭାଷଣ । ମହିଳା ଜଣକ ନିଜକୁ କିଷାନ ଏକତା ସଂଘର ରାଷ୍ଟ୍ରୀୟ ମହିଳା ମୋର୍ଚ୍ଚାର ଅଧ୍ୟକ୍ଷା ବୋଲି କହୁଛନ୍ତି । ଏହା ସହିତ ପୋଲିସ ପ୍ରଶାସନ ଏବଂ ସରକାର ଷଡ଼ଯନ୍ତ୍ର କରି ତାଙ୍କ ଚପଲ ନେଇ ଯାଇଥିବା ମଧ୍ୟ ସେ ଚିତ୍କାର କରି କହୁଛନ୍ତି । ସେ କହିଛନ୍ତିଯେ, ‘ ମୁଁ ଆଗକୁ କୃଷକ ମାନଙ୍କ ପାଇଁ ଲଢିପାରିବି ନାହିଁ ବୋଲି ମୋ ଠାରୁ ମୋ ଚପଲ ଛଡ଼ାଇ ନେଇଛନ୍ତି । କିନ୍ତୁ ମୁଁ ଖାଲିପାଦରେ ଲଢିବା ପାଇଁ ପ୍ରସ୍ତୁତ । କେବଳ ସେତିକି ନୁହେଁ ଏତଲା ମଧ୍ୟ ଦେବି । ଅର୍ଥ ଅଭାବରୁ ଯେଉଁଭଳି ମଧ୍ୟ ହେଉ ଚପଲ କିଣିଥିଲି, ତାକୁ ମଧ୍ୟ ମୋ ଠାରୁ ଛଡ଼ାଇ ନେଲେ, ଏବେ ମୋତେ ଚପଲ କିଏ ଦେବ?’ । ତେଣୁ ସରକାର ତାଙ୍କ ଚପଲ ଫେରାଇ ଦିଅନ୍ତୁ ବୋଲି ସେ ଭିଡ଼ିଓରେ ଦାବି କରିଥିବା ନଜର ଆସିଛି ।
Sarkar veli baithi hai tumhaari sandal dilaane ko @SonuSood bhaiya gareeb Geeta ko chappal dilwa do
— Swati Singh ??❤ (@swatimehak) December 7, 2020
Pehle salotape fir Sandal ??
— JP ?? (@JPulasaria) December 7, 2020
Modi should resign … Such an important issue n no one’s concerned.
Development of country hoti rahegi but this shld be priority.ow hum 2024 mein vote nhi denge. ????— Myscribbles?? (@A2606Sneha) December 7, 2020
ସବୁଠାରୁ ଖାସ କଥା ହେଉଛି, ଏହି ଭାଇରାଲ ଭିଡ଼ିଓରେ ଭିନ୍ନ ଭିନ୍ନ କମେଣ୍ଟ ନଜର ଆସିଛି । ଜଣେ ୟୁଜର କମେଣ୍ଟରେ ଲେଖିଛନ୍ତିଯେ, ଭାଇ ସୋନୁ ସୁଦ ଆପଣ ଏହି ଗରୀବ ମହିଳାଙ୍କୁ ଚପଲ ଦିଅନ୍ତୁ । ଆଉ ଜଣେ ଲେଖିଛନ୍ତି, ପ୍ରଥମେ ସେଲୋଟେପ ତା’ ପରେ ଚପଲ । ଅନ୍ୟ ଜଣେ ୟୁଜର ଲେଖିଛନ୍ତିଯେ, ମୋଦି ଇସ୍ତଫା ଦିଅନ୍ତୁ । ଏହିଭଳି ଏକାଧିକ କମେଣ୍ଟ ଭିଡ଼ିଓରେ ଦେଖିବାକୁ ମିଳିଛି । ଭିଡ଼ିଓକୁ ଏପର୍ଯ୍ୟନ୍ତ ୧୯ଶହ ଲାଇକ କରାଯାଇଥିବା ବେଳେ ୩୪ ହଜାର ୨ ଶହ ଲୋକ ଦେଖି ସାରିଲେଣି ।
